![](https://setur.cdn.fo/savn/4430/csm_laangadikterperma34_5de691b8f4.jpg?width=624&height=350&rmode=crop&s=Mq_4lW2MfkiJYqOzU7f4WK6ZFBI)
Vísindalig útgáva um nýggjar yrkingar í Norðurlondum
Saman við norðurlendskum starvsfeløgum hevur Bergur Djurhuus Hansen givið út bók um yrkingar, sum eru skrivaðar í tíðarskeiðinum uml. 2000 til 2015.
Bókin eitur Långa dikter. Berättelse, experiment, politik, og tað er forlagið Alvheim & Eide, Akademisk Forlag í Bergen, ið gevur út. Evnið er nýggjar, langar yrkingar, t.e. yrkingar sum telja upp í 7-800 síður og siga samanhangandi søgur. Í Norðurlondum er tað gomul hevd at skriva langar yrkingar, men tað hevur verið gjørt á skiftandi hátt, og ávís tíðarskeið hava longu yrkingarnar verið mettar ótíðarhóskandi. Seinnu árini eru tó ein røð av søvnum við longum yrkingum givin út, og tað er hetta rákið, sum verður viðgjørt í bókini. Okkurt bendir á, at longu yrkingarnar er væl egnaðar til at viðgera evni í samtíðini – bæði politisk og tilverulig evni – og forløgini tykjast harumframt áhugað í yrkingasøvnum, sum siga søgur, heldur enn søvnum, har hvør yrking skal lesast fyri seg.
Nýggja útgávan er nr. 8 í røðini Modernisme i nordisk lyrik, sum granskingarnetverkið Norlyr hevur tikið stig til. Norlyr er netverk fyri gransking í nýggjum yrkingum í Norðurlondum. Í døgunum 3. og 4. oktober fer netverkið at hava seminar á Fróðskaparsetrinum.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...