![](https://setur.cdn.fo/savn/4133/liv_profilmynd.jpg?width=624&height=350&rmode=crop&s=gumPV7tQ8ic1c5_iicHk1im67iQ)
Vísindaligt hjálparfólk
Á Søgu- og samfelagsdeildini er Lív Patursson fyribils sett sum vísindaligt hjálparfólk.
Hennara uppgávur eru serliga knýttar at mennandi og umsitingarliga partinum av ætlaðu masterútbúgvingunum innan søgu og samfelag. Lív sigur um starvið og um seg sjálva:
“Eg eri júst komin at starvast á Søgu- og samfelagsdeildini. Hetta er í samband við nýggju og sera spennandi masterútbúgvingina Master-læra, sum Gestur Hovgaard stendur á odda fyri saman við Jens Christian Svabo Justinussen og Hans Andrias Sølvará. Tað verður spennandi og jaliga avbjóðandi at hjálpa at samskipa nakað so týdningarmikið sum at eggja næmingum til at arbeiða aktivt við at samantvinna teoretiska vitan við praktiska læru. Eg eri sera fegin um hesa uppgávu, tí eg havi verið upptikin av hesum spurningi leingi, so eg vóni og vænti, at eg kann geva mítt til, at hetta fer at eydnast væl.
Sjálv havi eg lisið á Lunds Universitet, og fekk í 2013 prógv við einum øgiliga langum heiti: Master of Social Science with Major (two years) in Gender Studies and Minor in Political Science. Í stuttum merkir hetta, at eg havi áhuga og vitan um feministiska teori og metodologi, umframt eina grundvitan innan stjórnmálafrøði.
Annars er at siga, at eg stutt síðan eri flutt heim aftur til Føroyar, eg eri gift og eigi tvey fitt børn.”
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...