Vísindaligt hjálparfólk á SSD

Mirjam Joensen byrjar 1. oktober í tíðaravmarkaðum starvi sum vísindaligt hjálparfólk á Søgu- og Samfelagsdeildini, hetta í 1 ár.

Hon kemur at vera toghaldari á tvørvísindaligari verkætlan um hvørjar sosialar megir, sum í 19. øld skaptu modernaðu Føroyar. Verkætlanin er sett í verk á Søgu- og samfelagsdeildini og stuðlað av Granskingarráðnum.

Mirjam er útbúgvin cand.mag í listasøgu og føroyskum, hevur vísindaligar royndir og annars viðkomandi royndir frá tvørvísindaligum verkætlanum, arkivarbeiði, projektleiðslu, ritsstjórn og útgávuarbeiði.