Vísindavøka í Klaksvík
Vísindavøkan á ferð 2021 heldur fram við trimum spennandi framløgum á Klaksvíkar bókasavni í kvøld
Í kvøld, týskvøldið 21. september kl. 19, verður vísindavøkan á Klaksvíkar bókasavni, har tríggir granskarar fara at hava framløgu.
Fyrstur at leggja út verður Hans Ellefsen frá Søgu. og samfelagsdeildini á Fróðskaparsetrinum, sum fer at hava fyrilestur undir heitinum, "Føroyskur fiskivinnupolitikkur seinastu umleið 40 árini".
Síðani hevur Jón Aldará frá Tjóðsavninum framløgu við heitinum, "Náttúran í Koltri".
Triðju framløguna eigur Bjarti Thomsen frá Umhvørvisstovuni. Hon eitur "Í roynd og veru: Sólorka - royndir við sólorku í Føroyum. Loysir tað seg?".
Hvør framløga er 20-25 minuttir, og tiltakið er ókeypis og alment.
Vísindavøkan er størsta almenna granskingartiltak í Føroyum við granskarum á ferð kring landið og einum stórum endabresti í Kongshøll á Vestaru bryggju 24. september.
Sí skránna fyri vísindavøkuna á ferð her.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...