![](https://setur.cdn.fo/savn/7864/vísindavøka-á-sands-bókasavni.png?width=624&height=350&rmode=crop&bgcolor=fff&format=jpg&s=eQsbYBqtr5tC5NHzrSQFdXx4B-o)
Vísindavøka í kvøld á Sandi
Vísindavøkan 2021 byrjar í kvøld við trimum spennandi framløgum á bókasavninum á Sandi
Í kvøld, mikukvøldið 15. september kl. 19, verður Vísindavøkan á Sands bókasavni, har tríggir granskarar fara at hava framløgu.
Fyrstur at leggja út verður Jákup Reinert Hansen frá Søgur- og samfelagsdeildini á Fróðskaparsetrinum. Hansara fyrilestur eitur "Skolen settes paa Sands.” Ætlan um bygdaskúlar í Føroyum 1737.
Síðani fer Óluva R. Eidesgaard frá Jarðfeingi at greiða frá møguleikunum fyri at goyma koltvísúrni íundirgrundini í Føroyum. Framlga hennara eitur Føroyska undirgrundin sum CO2-goymsla.
At enda fer Malan Marnersdóttir frá Føroyamálsdeildini á Setrinnum at hava framløgu, sum eitur Náttúruyrking frá landslagi til vistfrøði.
Hvør framløga er 20-25 minuttir, og tiltakið er ókeypis og alment.
Vísindavøkan er størsta almenna granskingartiltak í Føroyum við granskarum á ferð kring landið og einum stórum endabresti í Kongshøll á Vestaru bryggju 24. september.
Sí skránna fyri vísindavøkuna á ferð her.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...