![](https://setur.cdn.fo/savn/4552/csm_debessartroed_30a8a40a60.jpg?width=624&height=350&rmode=crop&s=U99xrrZ3ZMXolbj2Dy1x4jdbM8Q)
Vitja Setrið í Öström mentanarnáttina
Mentanarnáttina, fríggjakvøldið 2. juni, verður Setrið at hitta í Fabrikkini hjá Öström á aðru hædd frá kl. 19.00 til 23.00. Skráin er fjølbroytt við framløgum, framsýning, filmi, tónleiki og sjálvsagt onkrum at leska seg við.
M.a. eru sera áhugaverdar og fjølbroyttar framløgur um spennandi granskingarevni at hoyra (eitt sindur sum TED-talks, um fólk kenna tað). Setrið hevur m.a. fingið vitjan av granskara úr Orknoyggjunum, sum fer at hava framløgu um tær serligu útbúgvingarligu og starvsligu avbjóðingarnar, ið fólk hava, sum koma úr smáum oyggjasamfeløgum.
Harumframt eru básar, har til ber at fáa eitt prát við deildirnar og livandi tónleikur, umframt framsýning um søgu Setursins.
Øll eru hjartaliga vælkomin. Setrið bjóðar vaflur við róma og súltutoyi og kaffi, te og vatn.
SKRÁ
19.00: Dyrnar lata upp fyri almenninginum
19.15: Elin Brimheim Heinesen, lestrarskrivstovuleiðari, býður vælkomin
19.30: Filmur frá 2016 um Setrið (11 min.)
19.45: Lesandi greiða frá
20.00 – 21.20: Framløgur à 10-12 minuttir:
20.00: "Kongaríki í samstarvsloysi"
Erla Olsen, Námsvísindadeildin
20.20: "Útbúgvingar innan orku á Setrinum"
Bárður A. Niclasen, Náttúruvísindadeildin
20.40: "Hvar fer føroyski sjófuglurin um veturin"
Jóhannis Danielsen, Náttúruvísindadeildin
21.00: "Siðaarvur á Setrinum, ábyrgd og avbjóðing"
Tóta Árnadóttir, Føroyamálsdeildin
21.20: Tónleikur við Kára Sverrasyni og Hans Jacob Kollslíð
21.40-23.00: Framløgur à 10-12 minuttir:
21.40: "Career development in island communities – an Orkney and Shetland perspective" (fyrilesturin er á enskum)
Rosie Alexander, University of the Higlands and Islands, Orkney Dep.
22.00: "Closing the door on Colitis Ulcerosa" (bruni í langanum/tjúkktarminum) (fyrilesturin er á enskum)
Amanda Gratton Vang, Sjúkrarøktarfrøðideildin
22.20: "Grind sum vinnuvegur"
Erling Isholm, Søgu- og samfelagsdeildin
22.40: "Hvønn týdning hevur fótbóltur fyri heilsustøðuna hjá fólki við prediabetes"
May–Britt Skoradal, Sjúkrarøktarfrøðideildin
23.00: Endi
Kunning um skránna er eisini at finna á Facebook HER og á plakat uttanfyri Öström.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...