![](https://setur.cdn.fo/savn/4298/csm_husahagi_10-l_1ce039ec20.jpg?width=624&height=350&rmode=crop&s=eZtbyM_G0KDAvl2mR6jHsPrgR9w)
VITSKA: SEV greiðir frá grønum orkuætlanum
Føroyska elfelagið SEV fekk í fjør norðurlendsku virðislønina fyri slóðbrótandi arbeiði sítt og fyri mál sítt um 100 prosent grøna elorku á landi í Føroyum í 2030. Norðurlandahúsið og Fróðskaparsetrið hava tí bjóðað SEV at greiða frá sínum arbeiði og grønu kósini á tiltaki í Norðurlandahúsinum týskvøldið 26. januar kl. 19.30.
Føroyska elfelagið SEV fekk í fjør norðurlendsku virðislønina fyri slóðbrótandi arbeiði sítt og fyri mál sítt um 100 prosent grøna elorku á landi í Føroyum í 2030. Norðurlandahúsið og Fróðskaparsetrið hava tí bjóðað SEV at greiða frá sínum arbeiði og grønu kósini á tiltaki í Norðurlandahúsinum týskvøldið 26. januar kl. 19.30.
Nýbrot á elorkuøkinum og málið um 100 prosent grøna elorku í Føroyum í 2030 vóru við til at vinna SEV norðurlendsku náttúru- og umhvørvisvirðislønina 2015. Dómsnevndin legði eisini dent á, at loysnir, sum verða mentar og royndar í Føroyum, kunnu gagna øllum evropeiska elnetinum.
SEV fer at greiða frá sínum virksemi og grønu kósini næstu 15 árini, sum ber við sær miðvíst arbeiði og áhaldandi nýhugsan á elorkuøkinum. Hákun Djurhuus, stjóri, og Terji Nielsen, verkætlanarleiðari, greiða frá vegna SEV.
- Málið hjá SEV kann bert røkkast við nýhugsan og nýbrotum sum t.d. battarískipanini í Húsahaga, ið er ein serføroysk skipan, sum kann javna óstøðugu vindorkuna út á elnetið eftir fáum sekundum ella minuttum, sigur Hákun Djurhuus, stjóri í SEV.
Lau Ø. Blaxekjær, ph.d., frá Fróðskaparsetrinum setir tiltakið. Lau er útbúgvingarleiðari fyri Masterútbúgvingina í West Nordic Studies, Governance and Sustainable Management. Hann granskar í burðardyggum vøkstri og umhvørvispolitikki, og hevur millum annað luttikið í umhvørvissamráðingunum hjá ST síðani 2011, seinast til COP21 í París síðsta ár.
VITSKA er afturvendandi tiltak, sum Norðurlandahúsið og Fróðskaparsetrið skipa fyri. VITSKA um slóðbrótandi arbeiði á elorkuøkinum verður í Norðurlandahúsinum í annaðkvøld, týskvøldið 26. januar kl. 19.30-21.00.
![](/fileadmin/user_upload/news/Husahagi_11-l.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...