1658.21 - Verkstova I - Ritlist 2021
Skeiðsnummar
1658.21
Heiti
Verkstova I - Ritlist 2021
ECTS
10
Fortreytir
Treyt fyri luttøku er, at studenturin er innskrivað/ur til bachelorútbúgvingina í listaligum arbeiði.
Endamál
Studentarnir ogna sær grundleggjandi vitan um ástøðiligar hugsanir og arbeiðshættir innan ritlist og læra at brúka vitanina verkliga.
Innihald
Undirvíst verður eitt nú í frásagnarhættum, neyvlesing, tekstasløgum og øðrum evnum, sum eru viðkomandi fyri skaldskapargreinina/slagið, ið studentarnir arbeiða við. Dentur verður bæði lagdur á at greina viðkomandi ástøðiligar hugsanir um skriving og verkliga menning í skriving.
Læru- og undirvísingarhættir
Undirvísingin er skipað sum verkstovuundirvísing við venjingum, kjaki, fyrilestrum og framløgum.
Læruúrtøka
Tá skeiðið er lokið, skal studenturin vera før/ur fyri at:
- greiða frá grundleggjandi ástøðiligum hugsanum og arbeiðshættum innan ritlist
- greinandi viðgera hesi
- sýna dømi um hesi í verki og meta um tey
Próvtøkuháttur
Samansett. Bundin heimauppgáva + munnlig framløga.
Próvdøming
Innanhýsis
Próvtalsstigi
P-talsstigin
Lestrarlisti
Viðkomandi tilfar verður útflýggjað við lestrarbyrjan.
Ábyrgd
Jens Dam Ziska