1688.23 - Mentorsamrøður Ritlist

1688.23

Mentorsamrøður Ritlist

10

Treyt fyri luttøku er, at studenturin er innskrivaður til BA-útbúgvingina í listaligum arbeiði.

Skeiðið hevur til endamáls at stuðla, menna og styrkja studentin í arbeiðinum við egnari ritlist. Í samráð við útbúgvingarleiðaran velur studenturin ein mentor, sum skal vegleiða skrivingina og veita studentinum amboð til at framleiða ítøkilig ritborin úrslit.

Mentorur og studentur leggja saman eina ætlan fyri samrøðurnar við ásettum freistum fyri tekstinnlatingar. Gjøgnum regluligar samrøður við mentor, skipaða lesing av skaldskapi og viðkomandi tilfari, tekstlesing og kritikki arbeiðir studenturin við at eyðmerkja og menna egna ritlist.

Mentorur og studentur møtast 10 tímar í alt í eina lestrarhálvu. Undirvísingin er skipað sum einsæris samrøður, har egna ritlistin hjá studentinum verður lisin, viðgjørd og ment. Afturat egnum tekstum hjá studentinum verður annað fagurbókmentaligt tilfar lisið, sum skal virka sum íblástur til skriviarbeiðið hjá studentinum.

Tá skeiðið er lokið, skal studenturin vera før/ur fyri at: - greiða frá egnari skapanargongd við ritlist – eyðmerkja og viðgera eyðkenni við egnum tekstum við atliti at stíli, formi, tekstaslagi og íblástrarkeldum - vísa dømi um menning av egnum teksti (avriksmappa).

Avriksmappa (10-15 síður) + refleksión (7 normalsíður, t.e. 2400 eindir við millumrúmum pr. síðu) verða latin inn við skeiðsenda.

Innanhýsis

P-talsstigin

Studentur og mentorur gera við lestrarbyrjan í felag ein lestarlista, sum samhóskar við og avbjóðar ritlistaliga arbeiðinum hjá studentinum.

Lív Maria Róadóttir Jæger