1699.24 - Verkstova III – Ritlist: At týða

1699.24

Verkstova III – Ritlist: At týða

10

Treyt fyri luttøku er, at studenturin er innskrivaður til bachelorútbúgvingina í listaligum arbeiði.

Studenturin ognar sær innlit í týðingarfrøði ástøðiliga umframt kritiska fatan av miðstøddum spurningum viðvíkjandi at týða til føroyskt ella sítt móðurmál. Høvuðsdentur verður lagdur á bókmentaliga týðing.

Týðing er tann elsti tátturin av bæði bókmentafrøðiligari og málfrøðiligari gransking. Í dag ávirka talgildingin og altjóðagerðin støðuna hjá týðing og gera týðingarfrøði til eina av teimum skjótast vaksandi universitetsgreinunum í heimshøpi. Við tí í huga, at støðan og týdningurin hjá týðing í einum ørlítlum málsamfelagi er ein onnur enn í einum stórum málsamfelagi, fáa studentarnir høvi at týða sjálvir og at viðgera týðingar hjá hvørjum øðrum. Týdningarmikil ástøðilig sjónarmið og høvuðsrák verða løgd fram, viðgjørd og skoðað í mun til føroysk viðurskifti. Síðst men ikki minst verður arbeitt við spurningum viðvíkjandi at týða til føroyskt.

Læraraframløgur, skrivligar venjingar í týðing og greining av týðingum út frá ástøðiligum sjónarmiðum, sum verða viðgjørd á skeiðinum.

Tá ið skeiðið er lokið, er studenturin førur fyri at: - Lesa ástøðiligar tekstir um týðing greinandi og kritiskt. - Greiða frá hugtøkum og høvuðssjónarmiðum í týðingarfrøði. - Týða tekst við støði í hóskandi ástøði. - Hugleiða um tey val, studenturin tekur í egnum týddum teksti. - Greina egnan týddan tekst út frá hóskandi hugtøkum og ástøði.

Samansett: munnlig próvtøka við støði í avriksmappu.

Uttanhýsis

7-talsstigin

Fullfíggjaður lestrarlisti verður útflýggjaður við skeiðsbyrjan.

Jens Dam Ziska