1701.24 - Egið arbeiði III Ritlist

1701.24

Egið arbeiði III Ritlist

10

Treyt fyri at luttaka á skeiðinum er lokið skeið í Egið arbeiði II Ritlist.

Studentarnir læra at arbeiða sjálvstøðugt og kritiskt við egnum tekstum, at menna egið skrivingarlag, og at eyðmerkja egna ritlist.

Skeiðið er framhald av Egið arbeiði II - Ritlist. Eins og í fyrra skeiðinum verður arbeitt við egnum tekstum, sum studentarnir skriva í samband við skeiðið. Høvuðsdenturin verður lagdur á at neyvlesa og kritiskt/ritlistaliga viðgera egnan tekst. Viðkomandi upprunatekstir verða lisnir (t.d. skaldskapur, poesi, essay, poetikkir, ástøði um ritlist), og serligur dentur verður lagdur á at menna refleksión og tilvit um egna skrivitilgongd, og á at seta egnar tekstir í ritlistaligt høpi. Tekstir, sum studentarnir skriva, verða so hvørt, teir verða latnir inn, savnaðir í eina avriksmappu.

Undirvíst verður 3 tímar um vikuna í eina lestrarhálvu eftir eini ætlan fyri tekstinnlatingar gjøgnum hálvuna. Í undirvísingini verða egnu tekstirnir hjá studentunum viðgjørdir og mentir gjøgnum lesingar og kritikk í plenum. Virkin luttøka: studenturin møtir minst 80% av undirvísingini, er virkin í undirvísingini og letur inn uppgávur/tekstir til ásettar freistir sambært lestrarætlanini. Virkin luttøka er treyt fyri at sleppa til próvtøku. Sí eisini *endurpróvtøka.

Læruúrtøka Tá skeiðið er lokið, skal studenturin vera før/ur fyri at: - vísa dømi um menning av egnum teksti (avriksmappa) - vísa dømi um sjálvstøðugt skrivingarlag (avriksmappa) - hugleiða, við refleksivari frásjón um egna skriving og skapanartilgongd - meta sjálvstøðugt um styrkir og veikleikar í egnum tekstum - eyðmerkja egna ritlist.

Samansett próvtøka. Munnlig próvtøka við støði í avriksmappu (10 síður). *Endurpróvtøka: Avriksmappa (10 síður) + fylgiskjal/refleksión (7 normalsíður t.e. 2.400 eindir við millumrúmi pr. síðu).

Uttanhýsis

P-talsstigin

Lestrarlisti verður útflýggjaður við skeiðsbyrjan. Aftrat lestrarlistanum letur studenturin inn egnan sjálvlestrarlista við skeiðsbyrjan, t.e. 5 sjálvvald skaldskaparlig verk at lesa.

Lív Maria Róadóttir Jæger