Bachelor í maskinfrøði

Um útbúgvingina

Útbúgvingin gevur tær grundarlag fyri starvsmøguleikum innan verkfrøði, ráðgeving og fyrisiting hjá privatum og almennum virkjum og stovnum.

Upptøkutreytir

Upptøkutreytin er at hava staðið maskinmeistaraprógv eftir kunngerð nr. 106 frá 15. september 2005; “Støddfrøði 3" ella “Støddfrøði A” skal vera staðið við minst 8 eftir 13-talsstiganum ella 4 eftir 7-talsstiganum.

Aðrar fortreytir á javnsettum kunnleikastigi kunnu góðtakast eftir nærri meting.

Áðrenn lestrarbyrjan skipar Setrið fyri fyrireikandi skeiði í støddfrøði. Luttøka á skeiðnum er krav fyri umsøkjarar, ið ikki hava staðið Støddfrøði 3 ella Støddfrøði A. Umsøkjarar, ið hava staðið støddfrøði 3 ella A, kunnu luttaka á skeiðnum fyri at fríska upp kunnleikan til støddfrøðina. 

Til ber aftur at søkja hesa útbúgving 1. mars í 2026

Les meira um upptøku

Innihald

Innihaldið er serliga verkfrøði lærugreinar, sum maskinmeistarin ikki longu hevur havt.

Skipan av útbúgvingini

Útbúgvingin er skipað sum fulltíðarlestur í 1½ ár ella parttíðarlestur í 2 til 3 ár Flestu skeiðini eru samskipað við útbúgvingina til BSc í verkfrøði. Lestrartíðin er 3½ ár tá øll skeið frá maskinmeistaraútbúgvingini eru tald við

*Lestrartíðin er 1½ ár við góðskrivaðum skeiðum frá maskinmeistaraútbúgvingini.

Framtíðarmøguleikar

Útbúgvingin gevur tí lesandi grundarlag fyri starvsmøguleikum innan verkfrøði, ráðgeving og fyrisiting hjá privatum og almennum virkjum og stovnum.

Framhaldandi útbúgving

Eftir at hava tikið hesa útbúgvingina er møguleiki at útbúgva seg víðari á øðrum universitetum kring heimin, t.d. til cand.polyt. á Danmarks Tekniske Højskole.

Lestrarlív

Tá tú byrjar at lesa á Fróðskaparsetri Føroya, verður tú partur av einum livandi og tætt knýttum lestrarumhvørvi mitt í hjartanum av Havnini. Her ert tú – saman við hinum lesandi – í miðdeplinum, bæði tá ið tað kemur til læring og sosialt lív.

Frá fyrsta degi verður tú væl móttikin til eina skipaða intro-viku og verður partur av einum lestrarbólki saman við øðrum nýggjum lesandi.

Gott lestrarumhvørvi

Á Setrinum verður nógv gjørt fyri at skapa eitt gott lestrarumhvørvi. Her eru lestrarhøli, køkar og lestrarstovur, har tú kanst arbeiða saman við øðrum, drekka ein kaffimunn og taka tær av løttum. 

Tú fært skjótt eina kenslu av, hvussu tað er at lesa á einum universiteti, og hvussu tað er at vera partur av einum spennandi og mennandi felagsskapi.

Felagsskapur og netverk

Tú kanst eisini luttaka í ymiskum felagsskapum og tiltøkum, sum verða skipað av og fyri lesandi. Her møtir tú fólki úr øðrum útbúgvingum og árgangum – eitt frálíkt høvi at knýta vinabond og skapa eitt sosialt netverk. Eisini hevur tú møguleika at luttaka í ráðum og nevndum, har tú kanst gera mun og fáa royndir, sum kunnu brúkast seinni í lívinum.

At lesa í Føroyum merkir eisini, at náttúran og mentanin eru altíð tætt við. Tað er stutt millum lestrarhøli og fjøll, hav og mentanarlív – og hetta ger Tórshavn til eitt serliga gott stað at vera lesandi.

Endamál

At geva tí lesandi kunnleika til støddfrøði, náttúruvísindi og tøknifrøði á bachelorstigi og møguleika fyri framhaldandi útbúgving.

Bygnaður

Bygnaður á maskinfrøði við avriksflutningi frá maskinmeistaraútbúgv.

Valskeið

Góðkend skeið á Setrinum:

• 3169.22 Elektromagnetisma (5 ECTS)
• 3165.19 Elektriskar maskinur (5 ECTS)
• 3137.21 Effektelektronikkur (5 ECTS)
• 5025.20 KT-verkætlan (7,5 ECTS)
• 3161.19 Vindorka (7,5ECTS)
• 3167.21 Innleiðsla í vindorku fyri maskinfrøðingar (7,5 ECTS)
• 3136.21 Elveiting 1 (5 ECTS) (í samst. við DTU)
• Elveiting 2 (5 ECTS) (á/í samst. við DTU)

Góðkend skeið á DTU:

• 31776 Energiteknologier - fra ide til realisering  (5 ECTS) (leinkja)
• 41312 Fluid Mekanik (5 ECTS)
• 41501 Styrkelære 1 (5 ECTS
• 41502 Styrkelære 2 (5 ECTS)
• 41603 Konstruktion og problemløsning (5 ECTS)
• 41659 Materialelære for produktion og konstruktion (5 ECTS)

* Tann lesandi kann sjálvur finna onnur skeið og fáa tey góðkend við umsókn til lestraráðið (leinkja).

Próvtøkur

Próvtøka í skeiðunum er vanliga beint eftir at undirvísingin er lokin. Í ávísum førum telja avrik fyri uppgávur, ið verða givnar, meðan skeiðini eru í gongd, við í endaliga próvtalið.

Nærri kunning

Nærri kunning fæst við at venda sær til Bárð Joensen, útbúgvingarleiðara, bardurj@setur.fo, tlf. 293944.