7539.13 - Estetiskar lærutilgongdir og náttúran

7539.13

Estetiskar lærutilgongdir og náttúran

15

At tey lesandi ogna sær førleikar í at arbeiða við náttúruni og náttúrufyribrigdum sum fakligum og námsfrøðiligum grundarlagi í sambandi við estetiskar lærutilgongdir.

• Livandi náttúran í djóra- og plantulæruni • ólívrunnin náttúrfyribrigdi, t.d. um grót og steinar, veðrið og veðurlag, polarljós jarðfrøði • onnur viðurskifti sum vistfrøði, umhvørvi, heilsa. • námsfrøði og fakdidaktikk innan náttúruvísindi, herundir m.a. Steiner Waldorf ástøðið um estetikk og náttúru, og Reggio Emillia og pedagogisk dokumentatión Náttúruvísindalig søvn eru partur av hesum skeiði. Kannað verður, hvussu framkomin søvn nýta ymiskar lærutilgongdir, herundir estetiskar, at lýsa livandi heimin og ólívrunnin náttúruviðurskifti. Farið verður á náttúrugripasøvn og náttúruvísindalig søvn fyri at læra, hvussu tey leggja til rættis tiltøk fyri ymsum aldursbólkum, har tey lesandi m.a. hava fokus á, hvørjar leiklutir luttakarar hava í savnstiltøkunum, serliga í hvønn mun børn fáa møguleikar at eksperimentera sjálvi.

Fyrilestrar/framløgur, venjingar, kjak, bólkaarbeiði við framløgum, skrivlig avrik í bólki og einsæris, ekskursiónir og fyrireiking, fremjing og eftirmeting av verkætlanum innan estetiskar lærutilgongdir og náttúruna.

Tá skeiðið er lokið, skal hin lesandi megna at leggja til rættis, gjøgnumføra, dokumentera og eftirmeta estetiskar lærutilgongdir sum taka støði í náttúruni, náttúrufyribrigdum og náttúruupplivingum, t.v.s., at tann lesandi skal duga at: • greiða frá, og at brúka faklig og fakdidaktisk hugtøk frá náttúruvísindunum og estetiskum læringsástøðum • nýta sansing, uppliving og sannkenning í samspælinum millum náttúruna (tað “objektiva”) og barnið (tað “subjektiva”) sum gróðrarbotn fyri estetiskum lærutilgongdum • nýta náttúrusøvn og -framsýningar sum lið í estetiskum lærutilgongdum • samrøða við børnini, og við kritiskari djúphugsan (refleksión) meta um læruúrslit barnanna, og at nýta hesi úrslit til víðari menning.

Metingin er munnlig, við støði í skrivligari synopsu.

Innanhýsis

13-talsstigin

Lesandi fáa lestrarlistan við skeiðsbyrjan

Erla Olsen