Skip to main content

Anný Djurhuus Øssursdóttir fær gávugóðsið í 2018

8. februar verður árliga handanin av gávugóðsinum úr Grunni Thorvald Poulsens av Steinum.

8. februar verður árliga handanin av gávugóðsinum úr Grunni Thorvald Poulsens av Steinum.

Tíðindaskriv frá Grunni Thorvald Poulsens av Steinum |

Gávugóðsið verður latið ungum listafólki, sum hevur víst hegni og hug at útbúgva seg.

Tiltakið, sum er alment, verður í hølunum á loftinum á Føroyamálsdeildini tann 8. februar klokkan 16.00.

Í samband við tiltakið spælir Lena Anderssen nøkur løg.

Í sínum testamenti hevur Thorvald Poulsen av Steinum ásett, at í stýrinum fyri grunnin skulu sita rektarin fyri Fróðskaparsetur Føroya, forfólkið fyri Føroya lærarafelag og forfólkið fyri Listafólkasamband Føroya, LISA. 

Fyri at tryggja listafakliga støðið handan tilmælið um, hvør ið skal hava gávugóðsið, hevur stýrið gjørt avtalu við Listafólkasamband Føroya, sum hevur sett eina úrvalsnevnd av fakfólkum at velja út ungt listafólk, ið skal fáa handað gávugóðsið.

Øll eru vælkomin á Føroyamálsdeildina at heiðra ársins móttakara av gávugóðsinum úr grunninum hjá Thorvaldi Poulsen av Steinum, Anný Djurhuus Øssursdóttur.


Blíðar heilsur
Stýrið fyri Grunn Thorvald Poulsens av Steinum:

Sigurð í Jákupsstovu, rektari á Fróðskaparsetri Føroya
Marita Dalsgaard, forfólk fyri Listafólkasamband Føroya
Herálvur Jacobsen, forfólk fyri Føroya Lærarafelag

Les meira um grunnin HER

 

Svar til grein hjá Føroya Lærarafelag

Jacob Eli S. Olsen lærari og næstformaður í Føroya Lærarafelag skrivar á heimasíðu felagsins 8. august grein við heitinum “Námsvísindadeildin hevur...

LES MEIRA

Skeið í mannarættindum og religión: Evstamark er 20. august

Hvat er ein mannarættur? Hvaðani stava idealini um t.d. trúarfrælsi, talufrælsi og javnrættindi? Nær er religión ein viðspælari, og nær er religión...

LES MEIRA

Tøk lestrarpláss 2018

Til og við 16. august 2018 ber til at søkja inn á tøk lestrarpláss til bachelorútbúgvingar, hjánám og masterútbúgvingar á Fróðskaparsetri Føroya.

LES MEIRA