Skip to main content

Betri legat  - Umsóknarfreistin er ávikavist 15. juni og 15. desember.

Nú ber til at søkja um Betri legat.

Sanna Klein |

Betri legat er eitt legat fyri ung føroysk lesandi, ið eru farin undir eina hægri bókliga útbúgving ella yrkisútbúgving. Legatið er ætlað sum stuðul til uttanlands uppihald í beinleiðis sambandi við útbúgvingina. Betri legat er uppá kr. 15.000 og verður latið upp til tveimum umsøkjarum, tvær ferðir árliga – 1. juli og 1. januar.  

Krøv til umsøkjarar

Fyri at fáa Betri legat, er neyðugt, at:

  • Tú ert í ferð við at taka eina hægri bókliga útbúgving ella eina yrkisútbúgving.

  • Legatið verður nýtt í sambandi við lestrar uppihald uttanlands.

  • Lestrar uppihaldið ikki er byrjað, tá søkt verður um stuðulin.

  • Betri Banki er tín høvuðsbanki

  • Tú greiðir frá uppihaldinum á bloggi e.l. á heimasíðuni hjá Betri. 

 Lestraruppihaldið

Lestrar uppihaldið skal vera partur av útbúgvingini, ið tú ert í ferð við at taka. Tað kann t.d. vera ein lestrarhálva ella ein starvsvenjing.  Legatið er bæði fyri føroysk lesandi í Føroyum og føroysk lesandi uttanlands. Lestrar uppihaldið skal tó vera í einum øðrum landi enn útbúgvingar stovnurin,  tvs. at ert tú t.d. í læru í Føroyum og ætlar tær til Italia at fáa íblástur til útbúgvingina, kanst tú søkja um Betri legat. Ella tú eitt nú lesur í Danmark og kundi hugsað tær at tikið ein part av útbúgvingini í Føroyum ella Japan, so kanst tú søkja um Betri legat.

 Bloggurin

Meðan tú ert burtur á lestrarferð, ella í seinasta lagi ein mánaða eftir heimkomu, sendir tú ein blogg til marknadardeildin@betri.fo. Tú kanst velja at skriva bloggin ella gera ein videoblogg. Velur tú at skriva, skal bloggurin í minsta lagi vera 2500 tekn. Gert tú ein videoblogg, skal hann vera min. 3 min.

Legat-bloggurin kann nýtast í marknaðarføring hjá Betri Banka, t.d. á Facebook og Instagram.

Bloggurin liggur eisini á heimasíðuni. Her fara vit at samla allar tær spennandi ferðafrásagnirnar frá lesandi, ið hava fingið Betri legatið. Les meira á betri.fo

Gjaldið / Peningaupphæddin

Betri legat er á 15.000 kr. og verður útgoldið á tína kontu í Betri, tá tú fert avstað. 

 Umsóknir

Søkjast kann beinleiðis á www.betri.fo

Umsóknarfreistin er ávikavist 15. juni og 15. desember.

 

UCAS vegleiðing mikudagin 13. desember

UCAS-vegleiðing mikudagin 13. desember á J.C. Svabosgøtu 14, klokkan 16.15-17.30. Tiltakið verður stroymað.

Ynskir tú vegleiðing í at fylla...

LES MEIRA

MA-skeið í retorikki

Føroyamálsdeildin bjóðar út MA-skeið í retorikki várið 2018

LES MEIRA

Lestrarvegleiðing á Sjúkrarøktarfrøðideildini

Høvuðsendamálið sum lestrarvegleiðari er at  viðvirka til at lesandi fáa sum mest burturúr og bestu læruumstøður at útinna útbúgvingina innanfyri...

LES MEIRA