Skip to main content

"Bláa vitan" fyri burðardygga samfelagsmenning

Firouz Gaini, lektari í antropologi á Søgu- og samfelagsdeildini

Firouz Gaini, lektari í antropologi á Søgu- og samfelagsdeildini, luttók á ráðstevnuni OCEAN WEEK 2018 (‘Oceans in Change’), sum varð hildin í Tróndheimi 7.–9. mai.

Anna Katrin Matras | |   Til lesandi Søgu- og samfelagsdeildin

Stóru norsku granskingarstovnarnir NTNU og SINTEF skipaðu fyri tiltakinum, hvørs endamál var, at fáa umboð úr vísindaliga, vinnuliga og politiska umhvørvinum at tosa saman um hvønn týdning havið – og servitanin um havið – hevur fyri oyggja- og strandasamfeløg í dag og í framtíðini.

Hóast flestu luttakararnir vóru úr Noregi, so vóru innbodnir fyrilestrahaldarar úr øðrum londum eisini á skránni hjá OCEAN WEEK 2018. Gaini hevði framløgu á sessiónini ‘Norway as a Sea Nation – Coastal communities, generation, sustainability’, sum Anne Trine Kjørholt, professari í barnagransking á NTNU, samskipaði.

Framløgan hjá Gaini, ‘Tradition meets modernity – Fishing industries and childhood in transition in the Faroe Islands’, byggir á kanning, sum er partur av altjóðari verkætlan, sum nevnist ‘Valuing the Past – Sustaining the Future’ (2016-2020). Anne Trine Kjørholt er verkætlanarleiðari. Fimm lond luttaka í verkætlanini, sum hyggur at gerandislívinum, arbeiðinum og vitanini hjá børnum og familjum teirra (trý ættarlið) – fyrr og nú. Luttakararnir í kanningini eru úr lokalsamfeløgum, sum liggja við havið (strandasamfeløg).

Meira fæst at vita um ráðstevnuna á hesari slóðini

 

Kom og hoyr um útbúgvingarmøguleikar á Føroyamálsdeildini

Mikudagin 16. mai 2018 kl. 15 verður skipað fyri kunningartiltaki um útbúgvingarmøguleikar á Føroyamáldeildini.

LES MEIRA

"Bláa vitan" fyri burðardygga samfelagsmenning

Firouz Gaini, lektari í antropologi á Søgu- og samfelagsdeildini, luttók á ráðstevnuni OCEAN WEEK 2018 (‘Oceans in Change’), sum varð hildin í...

LES MEIRA

Fýra úrtøkur frá skeiðinum Námsfrøðilig leiðsla, starvsfólkaleiðsla og strategisk leiðsla

Í linjugreinini "Námsfrøðilig Leiðsla” til námsfrøði- og læraralesandi á Námsvísindadeildini er eitt skeið á 15 ECTS júst endað, ið bar heitið...

LES MEIRA