Skip to main content

Venjingarháttur hjá stjørnuleikarum vísindaliga grundaður

Magni Mohr, lektari í heilsuvísindum á Fróðskaparsetri Føroya

Einstaklingsvenjing við høgum intensiteti er munadyggari enn vanlig liðvenjing í úrvalsfótbólti. Hetta vísa Magni Mohr og altjóða starvsfelagar, sum í vikuni hava fingið nýggja vísindaliga grein í altjóða tíðarrit.

Anna Katrin Matras | |   Til lesandi Sjúkrarøktarfrøðideildin

Kanningin lýsir árinini av eyka intensari einstaklingsvenjing á ymisk vøddaprotein og kropsligan førleika hjá úrvalsfótbóltsspælarum.

Greinin, sum Magni Mohr, lektari á Fróðskaparsetri Føroya, hevur fingið í vísindaliga tíðarritið “European Journal of Applied Physiology” eitur “Skeletal muscle and performance adaptations to high-intensit training in elite male soccer players: speed endurance runs versus small-sided game training”. Greinin byggir á kanning, ið er framd í Svøríki í samstarvi við svenskar, danskar, enskar og grikskar granskarar.

Í kanningini framdi ein bólkur av mannligum svenskum úrvalsfótbóltsleikarum skjótleika-treystisvenjing (Speed Endurnace Training, sum er: 6-10 ferðir 30 sekund all-out renning við 3 min. hvíld ímillum) tríggjar ferðir um vikuna í 4 vikur aftrat tí vanligu venjingini í felagnum. Venjingin varð skipað sum einstaklingsvenjing. Annar bólkur spældi til samanberingar smáspøl (6 ímóti 6). Vøddabiopsiir vóru úttiknar úr lærvøddum og kropsligur førleiki varð mátaður áðrenn og eftir interventiónina. Einstaklinga-skjótleika-treystisbólkurin hevði eina framgongd á góð 40% í evnunum at fremja hart intervalarbeiði samanborið við smáspælsbólkin. Samstundis vístu vøddaanalysurnar eisini, at vøddaevnisskiftið (mitokondrielfunktión) varð økt nærum 20% í hesum bólkinum uttan broytingar í smáspælsbólkinum. Báðir bólkar mentu evnini hjá vøddunum at brenna feitt, at stýra jónsamansetingini í vøddakyknuni og evnini hjá vøddunum at beina burtur fríar radikalar (antioxidativan kapasitet).

“Kanningin hjá okkum vísir, at uppraðfesting av intensari einstaklingsvenjing er munadygg og økir munandi um kropsligu avrikini og um vøddaevnisskiftið hjá úrvalsfótbóltsleikarum”, sigur Magni Mohr. “Hetta undirbyggir eisini aðrar av okkara kanningum á hesum økinum og vísir týðuliga, at tey eyðkenni, sum eru í altjóða fótbólti í dag, har kropsliga venjingin verður meira rættað til einstaklingin og har høgur intensitetur er lyklaorðið, er rætta gongdin fram”, sigur Magni Mohr, sum m.a. hevur arbeitt við hesum venjingarhættunum í stórfeløgum sum Juventus og Chelsea.

Í 2014 gav Magni Mohr út bókina “Individual Training in Football” altjóða, sum í dag verður nýtt í venjarútbúgvingum runt um í heiminum. Bókin lýsir í stóran mun tær venjingar, sum Magni Mohr legði til rættis til stjørnuleikarar sum Zinedine Zidane, Pavel Nedved, Alesandro Del Piero. Didier Drogba og Frank Lampard, og nú eru vísindalig prógv komin, sum stuðla undir venjingarháttin.

Greinin kann frítt lesast HER

Samband: Magni Mohr, tlf. nr. 292270

 

NORDPLUS tíðindi

Nýggj NORDPLUS fimmársætlan byrjar við umsóknarfreist 1. februar 2018.

LES MEIRA

Kalpana vardi ph.d. seinasta fríggjadag

Kalpana Vijayavarathan vardi ph.d.-ritgerð sína frammanfyri eini fittari fjøld av fólki í høllini á Námsvísindadeildini á Fróðskaparsetri Føroya.

LES MEIRA

Væleydnaður Altjóða Mannfólkadagur í Norðurlandahúsinum

Sunnudagin 19. november skipaði Javnstøðunevndin saman við Norðurlandahúsinum og Fróðskaparsetrinum fyri einum VITSKU-tiltaki við kynsgranskarunum...

LES MEIRA