Skip to main content

Førleikamenning á altjóða støði

Sera fjølbroyttir førleikar vóru umboðaðir á ráðstevnuni. Frá vinstru: Erla Olsen, lívfrøði, Vár í Ólavsstovu, føroyskt, Sigrid Vesturgarð, námsfrøði, Ivonna Johansen, serøkið, Jóannes Miðskarð, námsfrøðilig leiðsla, Annika Antoniussen, skúlabúgving/innskúling og Rúna í Skála, almenn læringarfrøði. Katrin av Kák, sernámsfrøði og Súsanna Olsen, samfelagsfrøði vóru eisini á ráðstevnuni.

Tað er ikki á hvørjum degi, at altjóða ráðstevnur innan námsvísindi, hugvísindi og samfelagsvísindi verða hildnar í Føroyum.

Erla Olsen | |   Námsvísindadeildin

Tí var Námsvísindadeildin væl umboðað á ráðstevnuni "Samskifti, samstarv og relatiónir", og nógv ymisk undirvísingarøki á deildini vóru umboðað. 


Serliga viðkomandi var kendi amerikanski sálarfrøðingurin Kenneth J. Gergen, sum saman við konu síni Mary Gergen helt fleiri fyrilestrar. 


Kenneth & Mary Gergen hava skrivað nógv um fyribrigdið tey nevna sosialkonstruktiónisma, og sum snýr seg um, hvussu vit sjálvi skapa okkara egnu mynd av bæði umhvørvi og hvør øðrum, og hvussu hetta ávirkar alla okkara fatan av okkum sjálvum og okkara umstøðum. Hetta hugtakið er brúkt í nógvum ymsum skeiðum á Námsvísindadeildini, við ymsum vinklum, alt eftir hvat skeið talan er um. T.d. verður í námsfrøðiligari leiðslu hugt eftir, hvussu samskifti myndar leiðslu í skúla og á stovni.


Hjúnini hava hvør sína tilgongd til evnið, og Mary Gergen tosaði um hetta at greiða frá, hvussu tað eisini tekur støði í okkum sjálvum og okkara umstøðum. Hon kom inn á munir millum kvinnur og menn, har hon m.a. nevndi, at kvinnur siga frá ígjøgnum og um kroppin, meðan menn gagnnýta kroppin eins og var hann eitt amboð.


Annar hugtakandi fyrilestrahaldari var Maja Loua Haslebo úr Danmark, sum minti áhoyrarnar á, ikki at gloyma kjarnuuppgávuna hjá arbeiðsplássinum, og at seta sær spurningarnar, hvønn arbeiðsplássið er fyri, hvat arbeiðsplássið skal gera fyri hesi, og hví arbeiðsplássið hevur týdning.
 

Svar til grein hjá Føroya Lærarafelag

Jacob Eli S. Olsen lærari og næstformaður í Føroya Lærarafelag skrivar á heimasíðu felagsins 8. august grein við heitinum “Námsvísindadeildin hevur...

LES MEIRA

Skeið í mannarættindum og religión: Evstamark er 20. august

Hvat er ein mannarættur? Hvaðani stava idealini um t.d. trúarfrælsi, talufrælsi og javnrættindi? Nær er religión ein viðspælari, og nær er religión...

LES MEIRA

Tøk lestrarpláss 2018

Til og við 16. august 2018 ber til at søkja inn á tøk lestrarpláss til bachelorútbúgvingar, hjánám og masterútbúgvingar á Fróðskaparsetri Føroya.

LES MEIRA