Skip to main content

Kom í Sjólon og hoyr um útbúgvingarmøguleikar

Mikudagin 13. juni 2018 kl. 16 verður skipað fyri kunningartiltaki fyri bachelorútbúgvingarnar lívfrøði, KT-verkfrøði og sjúkrarøktarfrøði og masterútbúgving í heilsuvísindum.

Anna Katrin Matras | |   Til lesandi Náttúruvísindadeildin Deildin fyri Heilsu- og Sjúkrarøktarvísindi

Tiltakið verður í Kongshøll í Sjólon, Vestarubryggju 15, í nýggju hølunum har Náttúruvísindadeildin og Deildin fyri heilsu- og sjúkrarøktarvísindi halda til.

Framløgur verða um hesar útbúgvingarmøguleikar:

  • B.Sc. í havlívfrøði, í mýlalívsvísindum og í vistfrøði
  • B.Sc. í KT-verkfrøði
  • B.Sc. í sjúkrarøktarfrøði
  • M.Sc. í heilsuvísindum

Lesandi luttaka eisini í kunningini og høvi verður at spyrja nærri bæði um sjálvar útbúgvingarnar og útbúgvingarumstøður annars. Tú fært møguleika fyri at vitja venjingarstovu og laboratorium og royna teg við eitt nú at isolera títt DNA, síggja venjing innan sjúkrarøktarfrøði, at kunna teg um feltarbeiði innan lívfrøði eina og at síggja og kunna teg nærri um hardware til KT v.m.

Eisini verður skipað fyri rundvísing í Sjólon, har møguleiki verður fyri at síggja nýggju hølini hjá Setrinum.

Vit bjóða fingramat, kaffi, te og vatn

Tiltakið byrjar sum sagt kl. 16 í Sjólon á Vestarubryggju og øll eru hjartaliga vælkomin

Náttúruvísindadeildin og Deildin fyri heilsu- og sjúkrarøktarvísindi á Fróðskaparsetri Føroya

Altjóða summarskeið á Føroyamálsdeildini

26 studentar úr ymiskum londum læra seg føroyskt

LES MEIRA

Hvør skal umboða Føroyar í Creative Business Cup?

Hósdagin 23. august verður nýggja Kongshøll í Sjóvinnuhúsinum karmur um kappingina Creative Business Cup Føroyar, ið er ein kapping millum føroyskar...

LES MEIRA

Lær teg at skriva greitt og rætt

Í heyst verður aftur møguligt at taka alment skeið í føroyskum á Føroyamálsdeildini

LES MEIRA