Skip to main content

Kortlegging av ílegumeinginum hjá silvurfiski

Amplexa Genetics og Fróðskaparsetur Føroya hava samstarvað um eina verkætlan, ið hevur sum endamál at kortleggja ílegumeingið (genomið) hjá silvurfiski.

Ólavur Waag Høgnesen | |   Til lesandi Náttúruvísindadeildin

Silvurfiskurin er eitt fyrndargamalt veingjaleyst skordjór, ið varð til fyri umleið 400 milliónum árum síðani. Silvurfiskurin er sera áhugaverdur, og kortlegging av ílegunum kann avdúka spennandi biokemiskar eginleikar hjá hesum frumdjóri.

Elisabet Thomsen, mýlalívfrøðilesandi á Fróðskaparsetri Føroya, hevur arbeitt við hesi verkætlan. Hon hevur fingið vegleiðing frá Sunnvør K. í Kongsstovu, ph.d.-lesandi (Amplexa Genetics) og Svein-Ole Mikalsen, professara (Fróðskaparsetur Føroya).

Verkætlanin hevur eydnast sera væl. Elisabet hevur m.a. staðfest, at tað eru tvær ættir av silvurfiskum í Føroyum. Hon hevur gjørt fyrstu savningina (de novo assembly) av arvastreinginum hjá hesum djóri, og har funnið útav, at samlaðu ílegurnar eru umleið 2,5 Gb, næstan líka nógvar sum hjá menniskjanum.

Elisabet vardi skrivligu uppgávuna hjá sær 16.06.17, sum hilnaðist sera væl. Hon fekk sett punktum við útbúgvingina við einum flottum 12 tali.

Stuðlað verkætlanini hava:

Amplexa Genetics

Fróðskaparsetur Føroya

European Molecular Biology Laboratory - European Bioinformatics Institute.

Mentanarnevnd Løgtingsins vitjaði Setrið

Týsdagin 12. juni vóru umboð fyri Mentanarnevnd Løgtingsins á vitjan á Fróðskaparsetri Føroya

LES MEIRA

Kom í Sjólon og hoyr um útbúgvingarmøguleikar

Mikudagin 13. juni 2018 kl. 16 verður skipað fyri kunningartiltaki fyri bachelorútbúgvingarnar lívfrøði, KT-verkfrøði og sjúkrarøktarfrøði og...

LES MEIRA

Prógvhandan verður fríggjadagin 22. juni 2018

Í summar fáa væntandi 95 lesandi prógv á Fróðskaparsetri Føroya. Av hesum fáa 73 bachelorprógv, 21 fáa masterprógv og 1 fær hjánámsprógv.

LES MEIRA