Skip to main content

MA-skeið í retorikki

Føroyamálsdeildin bjóðar út MA-skeið í retorikki várið 2018

Bergur D. Hansen | |   Til lesandi Føroyamálsdeildin

Retorikkur var upprunaliga læran um at halda røður, m.a. politiskar røður. Í dag er retorikkur ein grein í samskiftisvísindum. Heitið á skeiðinum, sum verður boðið út, er: Retorikkur í almennum kjaki. Skeiðið er ein innleiðsla í hugtøk, sum verða brúkt, tá orðaskifti, tekstir og røður skulu greinast retoriskt. Undirvísingin verður skipað sum fyrilestrar, framløgur, kjak og venjingar í retoriskari greining.

Undirvísarar verða Charlotte Jørgensen, sum í mong ár hevur verið lektari í retorikki á universitetinum í Keypmannahavn, Eydna Skaale, cand.mag. í retorikki, og Páll Holm Johannesen, cand. mag. og kunningarráðgevi. Byrjað verður í viku 7 í februar, og endað verður um miðjan mai. Skeiðið er sjálvstøðugt gjaldsskeið á MA-stigi og telur 10 ECTS. Fulltíðarlesandi á Fróðskaparsetrinum kunnu eisini melda seg til skeiðið. Upptøkukrav er BA ella samsvarandi.

Les nærri um skeiðið í skeiðlýsing niðanfyri

Føroyamálsdeildin skipaði fyri einum skeiði í politiskum samskifti fyri einum ári síðani, og tey, sum tóku tað skeiðið, kunnu velja at taka hetta skeiðið sum framhald.

Tilmeldingarskjal fæst her.

Læraralesandi í skiftislestri í Gøteborg

Christa Reynheim, sum í løtuni lesur til lærara á Námsvísindadeildini, var í skiftislestri frá 2016 – 2017 á Högskolan för design och konsthantverk,...

LES MEIRA

Lær teg at skriva greitt og rætt

Í heyst verður aftur møguligt at taka alment skeið í føroyskum á Føroyamálsdeildini

LES MEIRA

Mentanarnevnd Løgtingsins vitjaði Setrið

Týsdagin 12. juni vóru umboð fyri Mentanarnevnd Løgtingsins á vitjan á Fróðskaparsetri Føroya

LES MEIRA