Skip to main content

Nýggj bók um variatión í oyggjaskandinaviskari syntaks

Forlagið John Bejnamins Publishing Company hevur júst givið út eina nýggja bók í røðini Studies in Germanic Linguistics.

Hjalmar P. Petersen | |   Føroyamálsdeildin

Hetta er fyrsta bók í nevndu røð, og hon er úrslit av samstarvi ímillum teir føroysku málfrøðingarnar Hjalmar P. Petersen (Fróðskaparsetur Føroya) og Zakaris Svabo Hansen (Fróðskaparsetur Føroya) og íslendingin Høskuld Thráinsson (Háskóli Íslands) og skotan Caroline Heycock (Edinburgh University). 

Í bókini eru tey nýggjastu granskingarúrslitini av oyggjaskandinaviskari syntaks og variatión bæði á samfelagsstøði og millum einstaklingar. 13 serfrøðingar hava skrivað drúgvar greinar um evni sum hava staðið frammarlaga í syntaksgransking, og sum hava havt týdning fyri syntaktiska teori, t.e. fall, samsvarsbending, orðarað í eykasetningum, stílistiska framflyting og ekspletivar, t.e. TAÐ-mynstur sum ‘tað hava fýra málfrøðingar ritstjórnað eini bók’.

Hjalmar P. Petersen er einasti føroyingur, sum hevur grein í bókini, og er hon nýtslu av hvørjumfalsávirki og ta variatión, sum her er at síggja.

Føroyar í 1800-talinum lýstar úr fleiri sjónarhornum

Í 2012 fóru granskarar á Søgu- og samfelagsdeildini á Fróðskaparsetrinum undir samstarv um verkætlan, sum skuldi lýsa Føroyar í 1800-talinum úr fleiri...

LES MEIRA

Fróðskaparsetrið 3 nýggjar vísindaligar greinir um kropslig viðurskifti í úrvalsfótbólti

Magni Mohr, leiðari á Deplinum fyri heilsu- og almannagransking og dekanur á Fróðskaparsetrinum, er við í trimum vísindaligum greinum um...

LES MEIRA

Kom og hoyr um masterútbúgvingar á Søgu- og samfelagsdeildini

Mikukvøldið 18. apríl 2018 kl. 19 verður skipað fyri kunningartiltaki um masterútbúgvingar á Søgu- og samfelagsdeildini.

LES MEIRA