Skip to main content

Ph.d.-verja hjá Hans Harryson

Hans Harryson fer at verja ph.d.-ritgerð sína mikudagin 27. juni 2018

Mikudagin 27. juni 2018 fer Hans Harryson at verja ph.d.-ritgerð sína í Auluni á Námsvísindadeildini.

 

|   Til lesandi Námsvísindadeildin Setursskrivstovan

Evnið fyri ritgerðini er:
Den pædagogiske diskurs i læreruddannelsen - formål, indhold og undervisningsmetoder. En komparation af læreruddannelserne HSN, Drammen, VIA, Aarhus og HÍ, Reykjavik.

Samandráttur av ritgerðini á enskum kann lesast HER

Hans Harryson hevur seinastu gott trý árini arbeitt við hesi verkætlan á Námsvísindadeildini á Fróðskaparsetri Føroya. Hans, sum frammanundan er námslektari á Námsvísindadeildini, byrjaði arbeiðið við síni ph.d. í september í 2014 og lat ritgerðina inn marts í ár. Ph.d.-verkætlanin, sum er fíggjað av Fróðskaparsetri Føroya og Granskingarráðnum, er tað, sum verður kallað “joint degree”, sum er ein avtala millum Århus universitet og Fróðskaparsetur Føroya.

Høvðusvegleiðari hevur verið Jens Rasmussen, professari á DPU, Aarhus Universitet og hjálparvegleiðari hevur verið Firioz Gaini, Fróðskaparsetur Føroya

Í metingarnevndini sita:

  • Per Fibæk Laursen, professari á Danmarks institut for Pædagogik og Uddannelse (DPU) við Aarhus Universitet (formaður)
  • Elsebeth Jensen, útbúgvingarleiðari á VIA University College
  • Elaine Munthe, professari á Fakultet for utdanningsvitenskap og humaniora við Universitetet i Stavanger


Verjan, sum er almenn, verður sum nevnt í Auluni á Námsvísindadeildini mikudagin 27. juni 2018 og byrjar stundisliga kl. 13.

Ph.d.-ritgerðin liggur alment frammi á Landsbókasavninum.

Mentanarnevnd Løgtingsins vitjaði Setrið

Týsdagin 12. juni vóru umboð fyri Mentanarnevnd Løgtingsins á vitjan á Fróðskaparsetri Føroya

LES MEIRA

Kom í Sjólon og hoyr um útbúgvingarmøguleikar

Mikudagin 13. juni 2018 kl. 16 verður skipað fyri kunningartiltaki fyri bachelorútbúgvingarnar lívfrøði, KT-verkfrøði og sjúkrarøktarfrøði og...

LES MEIRA

Prógvhandan verður fríggjadagin 22. juni 2018

Í summar fáa væntandi 95 lesandi prógv á Fróðskaparsetri Føroya. Av hesum fáa 73 bachelorprógv, 21 fáa masterprógv og 1 fær hjánámsprógv.

LES MEIRA