Skip to main content

Prógvhandanin verður fríggjadagin 23. juni 2017

Í summar fáa 162 lesandi væntandi handað prógv í Norðurlandahúsinum fríggjadagin 23. juni 2017.

Av hesum taka 151 bachelorprógv, 10 taka masterprógv og ein tekur hjánámsprógv. Talan er um 40 lærarar, 35 námsfrøðingar, 17 sjúkrarøktarfrøðingar + 43 sjúkrarøktarfrøðingar, ergoterapeutar og fysioterapeutar, ið hava tikið ískoytisprógv í sjúkrarøktarfrøði á bachelorstigi, 13 frá Søgu- og samfelagsdeildini, 3 frá Føroyamálsdeildini og 8 frá Náttúruvísindadeildini. Harumframt hava fleiri lokið prógv síðani seinastu prógvhandan, og verða hesi eisini hátíðarhildin til prógvhandanina.

Í hesum sambandi verður prógvhandan fríggjadagin 23. juni kl. 10.00. Prógvhandanin verður í Norðurlandahúsinum eins og undanfarin ár. Tiltakið er alment, men av tí at plássið er avmarkað og øll, sum koma, mugu hava sess, verður heitt á tey lesandi um einans at hava tvey-trý avvarðandi við hvør.

Tey, ið væntandi fáa prógv, fáa innbjóðing og nærri kunning sendandi.

 

Skráin:

10:00 Rektarin, Sigurð í Jákupsstovu, bjóðar vælkomin og heldur røðu

10:05 Umboð fyri tey lesandi heldur røðu – Bergur A. Dalsgarð

10:15 Tónleikur – JASMIN

10.25 Prógvhandan

11:10 Gestarøða – Jóhanna á Bergi, stjóri hjá Atlantic Airways

11:25 Rektarin takkar fyri og bjóðar til ábit

11:30-13:00 Myndatøka og ábit

Fótbóltsvenjing ávirkar heilsustøðuna hjá kvinnum

Magni Mohr hevur saman við donskum og brasilianskum granskarum útgivið vísindaliga review-grein um, hvussu fótbóltsvenjing ávirkar heilsustøðuna hjá...

LES MEIRA

Heini í Skorini leggur fram sína ph.d.-ritgerð fríggjadagin

Komandi fríggjadag tann 24. november leggur Heini í Skorini fram sína ph.d.-ritgerð um samanbrestin ímillum religión øðrumegin og talufrælsi...

LES MEIRA

Um allar gáttir

Ein dagur í Norðurlandahúsinum um yrkingar og myndir eftir Tórodd Poulsen

LES MEIRA