Skip to main content

Samleikin hjá ungum oyggjabúgvum

Firouz Gaini, lektari í antropologi og samfelagsvísindum á Søgu- og Samfelagsdeildini, hevur eina grein í nýggjastu útgávuni av tíðarritinum JORDENS FOLK, sum Dansk Etnografisk Forening gevur út.

Firouz Gaini | |   Til lesandi Søgu- og samfelagsdeildin

Greinin, ið kallast "Små steder – store drømme", lýsir eitt fjarskotið japanskt oyggjasamfelag úr sjónarhorninum hjá 15-18 ára gomlum ungdómi. Tilfarið varð savnað saman á Oki-oyggjunum á heysti 2015.

Greinin hyggur nærri at lokala samleikanum og framtíðartonkunum hjá teimum ungu – hvar tey ætla sær at lesa víðari og arbeiða, hvar tey ætla sær at búgva, o.s.fr. Endamálið við verkætlanini var at fáa betri innlit í sjónarmiðini hjá teimum ungu viðvíkjandi spurningum um t.d. burðardygga samfelagsmenning, lokala mentan og søgu, og flytføri (til- og fráflyting). Andsøgnin er, sum Godfrey Baldacchino nevnir í einum teksti, at smáar oyggjar bæði kunnu umboða paradís og fongsul, bæði kunnu vera opnar og stongdar. Og hetta ávirkar samleikan hjá oyggjabúgvum.

Firouz Gaini hevði herfyri framløgu um somu rannsóknarferð á ráðstevnuni Gransking í Føroyum 2017, ið var hildin í Norðurlandahúsinum. Hann varð eisini bjóðaður at halda fyrilestur um hetta forvitnisliga føroysk-japanska samstarvið innan samfelagsvísindi á  EAJRS (European Association of Japanese Resource Specialists) ráðstevnuni, sum var hildin á universitetinum í Oslo á heysti 2017. Seinni í ár skal Firouz Gaini til Japans at gera eina nýggja etnografiska kanning, sum eisini hyggur at framtíðini hjá oyggjaungdómi.

Kunning um kvotu 2 umsóknir

Ætlar tú at lesa í Danmark? Í Danmark er freistin fyri at senda Kvotu 2 umsóknir 15. mars. Holger Arnbjerg frá Altjóða Skrivstovuni hevur kunning um,...

LES MEIRA

At vaksa upp við foreldrum við álvarsamari sálarsjúku

Kristianna Lund Dam, námslektari á Sjúkrarøktarfrøðideildini og ph.d.-lesandi, hevur saman við øðrum skrivað vísindaliga grein í Journal of...

LES MEIRA

Heimsmálini hjá ST og Føroyar

Fríggjadagin tann 23. februar frá kl. 08.45 til kl. 12.00 verður ráðstevnan "Heimsmálini hjá ST og Føroyar - hvørji eru tey 17 burðardyggu...

LES MEIRA