Skip to main content

Tina úr torninum í øllum góðum

Loftsstovan á Føroyamálsdeildini var fullsett, tá ið Tina K. Jakobsen helt sín MA-fyrilestur um ‘Tårnet ved verdens ende’

Ólavur Waag Høgnesen | |   Til lesandi Føroyamálsdeildin

Tina K. Jakobsen helt MA-fyrilestur um frásagnarviðurskifti í skaldsøguni ‘Tårnet ved verdens ende’ eftir William Heinesen.

Fyrilesturin hevði støði í MA-ritgerð hennara 'Góðvarna barnið verður vaksið frásøgufólk'. Eftir ein ástøðiligan part gav Tina áhoyrarunum eitt gjølligt innlit í tann sjálvreflekterandi Amaldus, alt eftir um talan var um tann yngra Amaldus, ella tann tilkomna ‘eg’-Amaldus, sum umrøðir yngru útgávuna av sær sjálvum í 2. persóni.

Metingarnevndin, Malan Marnersdóttir, Jógvan í Lon Jacobsen og Bergur D. Hansen, metti, at Tina var komin væl frá fyrilestrinum. Bergur D. Hansen, sum hevur verið vegleiðari, bar metingina hjá metingarnevndini fram.

Tað einasta, sum var skrivað við reyðum, var, at Tina kundi havt gjørt tað ástøðiliga lættari at svølgja hjá áhoyrarunum við taka fram dømi fyrr heldur enn seinni í fyrilestrinum.

– Men ivaleyst hevur tú hugsað sum so, at vegleiðarin og hini í metingarnevndini skulu fáa tað, sum tey hava biðið um, helt Bergur fyri.

Niðurstøðan var tó greið: Fyrilesturin leyk til fulnar krøvini, og Tina fekk samstundis heitið MA í føroyskum máli og bókmentum.

Fremst á myndini Zakaris Svabo Hansen, útbúgvingarleiðari. Síðani Bergur D. Hansen, Malan Marnersdóttir og Jógvan í Lon Jacobsen. Armslongd aftan fyri tey: Rigmor Dam, landsstýriskvinna í mentamálum
Vegleiðarin (myndin) og metingarnevndin hevði ikki nógvar kritiskar viðmerkingar

Fótbóltsvenjing ávirkar heilsustøðuna hjá kvinnum

Magni Mohr hevur saman við donskum og brasilianskum granskarum útgivið vísindaliga review-grein um, hvussu fótbóltsvenjing ávirkar heilsustøðuna hjá...

LES MEIRA

Heini í Skorini leggur fram sína ph.d.-ritgerð fríggjadagin

Komandi fríggjadag tann 24. november leggur Heini í Skorini fram sína ph.d.-ritgerð um samanbrestin ímillum religión øðrumegin og talufrælsi...

LES MEIRA

Um allar gáttir

Ein dagur í Norðurlandahúsinum um yrkingar og myndir eftir Tórodd Poulsen

LES MEIRA