Námsvísindadeildin

Undirvísing og námsfrøðiligt arbeiði

Frælsið 20
FO-100 Tórshavn
Tel.: +298 359400
nad(at)setur.fo

Avgreiðsla:

Mánadag - fríggjadag
kl. 09.00-15.00

Um deildina

Meginuppgáva hjá Námsvísindadeildini er at skipa útbúgving fyri lærarar og námsfrøðingar. Umframt hetta skal stovnurin eisini fremja og menna gransking innan námsfrøði og undirvísingarfrøði og skipa fyri eftirútbúgving.

Námsvísindadeildini hevur skipað fyri læraraútbúgving síðan 1870. Fyrstu námsfrøðingarnir á Føroya læraraskúla fingu prógv í 1990.

Tá ið Føroya læraraskúli gjørdist partur av Fróðskaparsetri Føroya í 2008, vóru útbúgvingarnar innan námsfrøði og undirvísingarfrøði broyttar. Lærara- og námsfrøðinga-útbúgvingarnar  eru nú í tveimum stigum. Fyrsta stigið er ein B.Ed. útbúgving (bachelor of education), sum tekur trý ár. Lesandi, ið vilja gerast fólkaskúlalærarar ella námsfrøðingar, skulu harafturat taka eitt fjórða ár, ið gevur yrkisførleika sum lærari ella námsfrøðingur.

Í 2013 varð á fyrsta sinni tikið upp til MA lestur í vegleiðing. Umframt at vera nýggj útbúgving á Setrinum er vegleiðaraútbúgvingin eisini spildurnýggj skipan avútbúgving á Setrinum. Hon er partíðarnám skipað í modulum. Hon er sett saman av sjálvlestri, uppgávuloysn og undirvísing á netinum umframt vikuskiftisskeiðum. Talan er við øðrum orðum um blendisnám,(e. blended learning). Eisini málsliga er útbúgvingin samansett, tí undirvísingin fer fram á enskum, á øðrum norðurlendskum máli og á føroyskum.