Skip to main content

Faldari um Setursútbúgvingar í hvørt hús í dag

Í dag, mikudag 8. mars 2017, hevur Posta borið nýggja faldaran um allar útbúgvingar á Setrinum út í hvørt hús í Føroyum.

Elin Brimheim Heinesen | |   Lestrarskrivstovan Setursskrivstovan

Á hvørjum ári prentar Fróðskaparsetur Føroya faldarar um útbúgvingarnar á Setrinum, soleiðis at fólk, sum hava ætlanir um víðari útbúgving og kanska ynskja at søkja inn á Setrið, hava møguleika fyri at kunna seg um útboðið av útbúgvingum á Setrinum - eisini á prenti.

Higartil hava faldararnir, sendir í hvørt hús í Føroyum um hesa tíðina av árinum í góðari tíð undan Kvotu 2 freistini, sum er 15. apríl, einans snúð seg bachelorútbúgvingarnar, sum eru í boði á Setrinum.

Í ár er øðrvísi, tí nú snýr faldarin seg um allar útbúgvingarnar, sum eru í boði í ár - og eisini um nakrar útbúgvingar, sum ikki verða í boði fyrr enn í 2018.

Faldarin skuldi verið komin inn um brævrivurnar í hvørjum húski í Føroyum í dag. Um so er, at faldarin er burturblivin onkusvegna, ella ynski er um at kunna fólk, sum ikki búgva í Føroyum um tað, sum stendur í faldaranum, so ber til at heinta nýggja faldaran her á síðuni.

Far til Bachelor og Master faldaran 2017.

 

Mark við markleysari loysn

Seinni í ár verða 38 lestraríbúðir tiknar í nýtslu við Marknagilsvegin – talan er um bingjur, ið eru innrættaðar sum modernað studentabýli, sigur...

LES MEIRA

Forvitnisligur mentanararvur verður talgildur

Føroyamálsdeildin hevur gjørt søguliga avtalu við SavnsGull

LES MEIRA

Almennar framløgur um sjúkrarøkt

Tey, sum verða útbúgvin sum bachelor í sjúkrarøktarfrøði í ár, leggja sínar verkætlanir alment fram á Landssjúkrahúsinum í morgin

LES MEIRA