Skip to main content

Gransking í vindorku – søga, støða og framtíð

Hans-Georg Beyer

Mikudagin 22. mars fer Hans-Georg Beyer, professari, at halda fyrilestur um gransking í vindorku

Ólavur Waag Høgnesen | |   Náttúruvísindadeildin Til lesandi

Hans-Georg Beyer kom í starv sum professari í orkuverkfrøði á Fróðskaparsetrinum tann 1. desember 2016. Í tí sambandi fer hann at halda almennan fyrilestur við heitinum ”Wind power application – views on history, status and future challenges”. 

Hans-Georg sigur soleiðis um fyrilesturin: “Í dag er vindorka ein týðandi partur av orkuveitingini í mongum londum, teirra millum Føroyum. Hesin fyrilesturin miðar eftir at lýsa søguna hjá hesari tøknifrøðini, hvussu tað hevur gingið upp og niður við henni í ljósinum av samfelagsmenningini, og hvør støðan er í dag, tá ið tað kemur til nýtslu av vindorku. Við hesum útgangsstøði verður lýst tað, sum liggur aftanfyri spurningarnar, sum dríva aktuellu granskingina á økinum”. 

Fyrilesturin verður mikudagin tann 22. mars kl. 15 í Ovastovu í Nóatúni, Tórshavn. Hann verður hildin á enskum. 

 

Hans-Georg Beyer kom í starvið á Fróðskaparsetrinum frá Universitetinum í Agder í Noregi, har hann hevði starvast sum professari í varandi orku síðan 2010. Frammanundan hevur hann arbeitt á University of Applied Sciences in Magdeburg í Týsklandi og verið gestagranskari á Mines Paritech, Fraklandi, og verið gestaprofessari á Universidade Federal de Santa Catarina, Brasil. Meir kann lesast um Hans-Georg Beyer her.

Mark við markleysari loysn

Seinni í ár verða 38 lestraríbúðir tiknar í nýtslu við Marknagilsvegin – talan er um bingjur, ið eru innrættaðar sum modernað studentabýli, sigur...

LES MEIRA

Forvitnisligur mentanararvur verður talgildur

Føroyamálsdeildin hevur gjørt søguliga avtalu við SavnsGull

LES MEIRA

Almennar framløgur um sjúkrarøkt

Tey, sum verða útbúgvin sum bachelor í sjúkrarøktarfrøði í ár, leggja sínar verkætlanir alment fram á Landssjúkrahúsinum í morgin

LES MEIRA