Námsvísindadeildin

1. Linjugreinalestur

Á Námsvísindadeildini vera linjugreinar bjóðaðar sum eftirútbúgvingartilboð til lærarar og námsfrøðingar. Undirvísingin fer fram saman við lesandi á Námsvísindadeildini, og undirvíst verður vanliga tveir – í einstøkum føri tríggjar - dagar um vikuna á 6 tímar frá skúlársbyrjan í august fram til páskir.

Linjugreinarnar, sum telja 45 ects, eru vanliga býttar upp í fýra partar (modul), og møguleiki er at taka heilar ella partar av teimum linjugreinum, sum verða bjóðaðar fram sum eftirútbúgving.  Øll eftirútbúgvingarskeið verða ECTS-mett. Luttøka í eftirútbúgvingartilboðunum kann tó verða avmarkað vegna plásstrot. Kostnaðurin fyri hetta slag av eftirútbúgving er kr. 200 pr. ects.

Skúlaárið 2017-2018 verða hesar linjugreinar bjóðaðar sum eftirútbúgving:

Fyri lærarar:

  • Føroyskt
  • Danskt
  • Søga
  • Alis-& evnafrøði
  • Náttúra & tøkni
  • Ítrótt

Fyri námsfrøðingar og lærarar:

  • Skúlabúgving/innskúling
  • Sernámsfrøði
  • Námsfrøðilig leiðsla

Umsóknarfreist er 1. juni 2017

Umsóknarblað fæst HER

2. Ískoytisútbúgving til bachelor fyri námsfrøðingar og lærarar


Innihald

Ískoytisútbúgvingin til bachelor verður skipað í trimum modulum, og undirvísingin fer fram í vikuskiftum.

1.modul:  Vísindaástøði og háttaløg, 5 ECTS  (4 vikuskifti). 

2. modul: Fakligt modul, 10 ECTS  (6 vikuskifti).

3. modul: BEd-verkætlan (4 tímar munnlig vegleiðing).

Tíðarætlan

1. Vísindaástøði – frá skúlársbyrjan 2017 til heyststeðgin 2017.

2. Fakligt modul fyri námsfrøðingar og lærarar – frá heyststeðginum 2017 til páskasteðgin 2018 :

  • Vísindaástøði ( kravt modul)
  • Føroyskt sum annaðmál ( fyri lærarar)
  • Filmur - Livandi myndir í undirvísingini (fyri lærarar)

3. BEd-verkætlan – frá páskasteðginum 2018 til summarfrítíðina 2018

Umsóknarfreist er 1. juni 2017

Umsóknarblað fæst HER

3. Útbúgving í námsfrøðiligari leiðslu fyri skúlaleiðarar

Mentamálaráðið/Námsvísindadeildin/Glasir

Í samstarvi við Mentamálaráðið skipa Námsvísindadeildin og Glasir fyri diplomútbúgving í námsfrøðiligari leiðslu. Í  fyrstu atløgu er útbúgvingin ætlað skúlaleiðarum í fólka-, miðnáms- og vinnuskúlum.

Útbúgvingin, sum telur 60 ECTS,  verður skipað sum hálvtíðarlestur í tvey ár. 

Útbúgvingin fatar bæði um at menna námsfrøðiligu fatanina hjá leiðaranum í einum undirvísingarstovni og at veita leiðarum ástøðilig og verklig leiðsluamboð. Dentur verður lagdur á klassiska og nútímans leiðslu við serligum fokus á námsfrøðiliga leiðslu, sum hugtak, fyribrigdi og ástøði. Samband ímillum ástøði og leiðslu í praksis er eitt aðalmál í útbúgvingini.

Undirvísing verður fríggjadag seinnapartar kl. 13.00-16.00, og leygardagar kl. 9.00 -15.00

Skipan og undirvísingardagar síggjast HER.

Umsóknarfreistin er 15. mai 2017.

Umsóknarblað fæst HER

4. Máltøka hjá børnum - Skeið fyri námsfrøðingar

Føroyamálsdeildin/Námsvísindadeildin

Føroyamálsdeildin skipar í samstarvi við Námsvísindadeildina fyri skeiði um máltøku hjá børnum. Skeiðið er serliga ætlað námsføðingum, sum arbeiða á dagstovnum og í barnagørðum.

Lærari á skeiðinum er Sissal M. Rasmussen, phd-lesandi og granskari. Undirvísingin hevur sítt støði í gransking hennara á økinum.

Skeiðið, sum telur 10 ects, kann eisini verða partur av ískoytisútbúgving til bachelor fyri námsfrøðingar, sum eru útbúnir eftir gomlu skipanini fyri hesa útbúgving.

Umsóknarfreistin er 1. juni 2017

Umsóknarblað fæst HER

5. Skeið fyri lærarar, sum undirvísa útlendingum

Mentamálaráðið/Námsvísindadeildin

Námsvísindadeildin skipar í samstarvi við Mentamálaráðið fyri innleiðsluskeiði ætlað lærarum, sum undirvísa útlendingum í føroyskum.

Lærarar á skeiðinum eru Karolina Matras, ph.d.-lesandi, námslektari í sálarfrøði og mál- og lesimenning og Lilly Kristensen, Voksenundervisningscenter Frederiksberg (VUF).

 Skeiðið verður á Námsvísindadeildini í viku 35 (28. aug. til 1. sept.)

Umsóknarfreistin er 1. juni 2017.

Umsóknarblað fæst HER

Umsóknir skulu sendast til eftirutbugving(at)setur.fo