B.S.Sc. í sosialvísindum og samfelagsplanlegging

Bachelor of Social Science in Society and Community Planning

  • Lestrartíðin er 3 ár og telur 180 ECTS
  • Lokin útbúgving gevur rætt til heitið Bachelor of Social Science, stytt B.S.Sc.
  • Útbúgvingin er staðsett á Søgu- og samfelagsdeildini í Jónas Broncks gøtu 25, Tórshavn
  • Søgu- og samfelagsdeildin verður eisini rópt SSD
  • Umleið 20 lesandi verða tikin inn á útbúgvingina
  • Lestrargjald:
    • Fulltíðarlestur: Ókeypis fyri borgarar í danska ríkinum o.ø. Norðurlondum
    • Stakgreinir: 200 DKK/ECTS
  • Til ber at søkja um upptøku elektroniskt. Umsóknarbløð og leiðbeining eru at finna HER
  • Umsóknarfreistir eru at finna HER

Endamál

Endamálið við útbúgvingini er at geva teim lesandi fjølbroytta vitan og innlit í sosialvísindalig viðurskifti við serligum denti á tær avbjóðingar innan samfelagsplanlegging, sum smátjóðir standa fyri í einum støðugt meira altjóðagjørdum heimi.

Útbúgvingin er fyri tey, sum hava áhuga fyri samfelagsskipanum, og hvussu hesar skipanir reguleraðast og mennast.

Skipan av útbúgvingini

Bachelorútbúgvingin í sosialvísindum og samfelagsplanlegging tekur trý ár. Nøkur skeið eru kravd, og nøkur ber til at velja eftir egnum áhuga.

Tey bæði fyrstu árini eru støðisár, har lærugreinirnar í ávísan mun eru tær somu sum í hinum bachelorútbúgvingunum á Søgu- og samfelagsdeildini 'Søgu - smátjóðir og altjóðagerð' og 'Politikki og umsiting'.

Útbúgvingin endar við eini B.S.Sc.-ritgerð.

Bygnaður

1.
lestrarhálva
(heysthálva)
 
2.
lestrarhálva
(várhálva)
 
3.
lestrarhálva
(heysthálva 2016)
4.
lestrarhálva
(várhálva 2015)
5.
lestrarhálva
(heysthálva)

6.
lestrarhálva
(várhálva)

Sosiologi og
mentan

10 ECTS

Nýggjari
føroysk søga

10 ECTS

Valfak I

10 ECTS

Valfak II

10 ECTS

Samfelags-
planlegging

10 ECTS

Insitiutíónir
og sosialar
broytingar

10 ECTS

Stjórnmála-
frøði

10 ECTS

Búskapar-
frøði

10 ECTS

Samfelags-
ástøði

10 ECTS

Háttalag II

10 ECTS

Sosialvísindi

10 ECTS

Bachelor-
ritgerð

20 ECTS

Vísindaástøði
og háttaløg

10 ECTS

Ritgerð I

10 ECTS

Háttalag I

10 ECTS

Ritgerð II

10 ECTS

Praksisfak

10 ECTS

Innihald

Útbúgvingarnar á Søgu- og samfelagsdeildini á Setrinum eru tvørvísindaligar, ið merkir, at tað verður tikið støði í praktiskum søgu- og samfelagsligum viðurskiftum við stórum denti á spurdómsstýrda læring.

Tey lesandi ganga til nógvar fyrilestrar, men harafturat læra tey eisini sjálvstøðugt arbeiðslag, samstarv og kritiska støðutakan - ikki minst gjøgnum verkætlanararbeiði.

Undirvíst verður m.a:

  • um samfelagsvísindalig ástøði og háttalag
  • um tvørvísindi og verkætlanararbeiði
  • um vælferð, vælferðarsamfelag og vælferðarskipanir
  • um samanspælið millum almennan politikk, marknað og sivilsamfelag
  • um hvussu institusjónir og organisasjónir virka, stýrast og mennast

Upptøkutreytir

Treyt fyri upptøku er bókligt (t.e. gymnasialt) miðnámsskúlaprógv.

Verður søkt eftir kvotu 2, kunnu aðrar fortreytir við javnsettum kunnleikastøði góðtakast eftir nærri meting.

Framtíðarmøguleikar

Sosialvísindi og samfelagsplanlegging er lestur fyri tey, sum hava áhuga at starvast innan almennar, alment gagnligar og privatar organisasjónir, men gevur eisini nógvar aðrar førleikar, eitt nú til víðari lestur, ið m.a. gevur førleikar til hægri undirvísingar- ella granskingarstørv.

Við útbúgving frá Søgu- og samfelagsdeildini ert tú væl ílatin - bæði til arbeiðsmarknaðin og til víðari lestur á masterstigi.

Framhaldandi útbúgving

B.S.Sc. útbúgvingin í sosialvísind og samfelagsplanlegging gevur grundarlag fyri framhaldandi lestri á masterstigi.

Umsóknarblað og umsóknarfreistir

Til ber at søkja um upptøku elektroniskt. Tú finnur umsóknarbløðini HER.

Sí vinaliga umsóknarfreistirnar HER.

Á síðuni eru eisini lagdar leiðbeiningar til umsóknarbløðini. Les leiðbeiningina væl, áðrenn tú fyllir umsóknarblaðið út.

Nærri kunning

Nærri kunning fæst við at venda tær til lestrarvegleiðingina:
SSD-studvegl(at)setur.fo, ella við at venda tær til Jens Christian Svabo Justinussen, útbúgvingarleiðara, jensj(a)setur.fo