M.A. í føroyskum

Skeiðslisti

1432.16

Mynd- og orðlist í 20.-21. øld (MA)

Geva lesandi yvirlit yvir høvuðseyðkenni í føroyskari mynd- og orðlist í 20. og 21 øld og gera tey før fyri at greina verkini.

1433.16

Politiskt samskifti (MA)

Endamálið við skeiðinum er at gera studentarnar førar fyri at skilja, greina og loysa ítøkiligar spurningar um samskifti í politiskum samanhangi. Studentarnir fáa vitan um broytingarnar í politiskum samskifti seinnu árini, læra at gera mun á ymiskum sløgum av politiskum samskifti, fáa innlit í tær snildir, sum eyðkenna politiskt samskifti umframt innlit í leiklutin, sum politiskt samskifti hevur í fólkaræðinum í dag.

1434.16

Skaldskapur av manna munni – uttan fyri roykstovuna (MA)

Studentarnir skulu á skeiðinum: •Fáa grundleggjandi fatan av hvat ið verður lagt í hugtakið “mentanararvur” í ymsum samanhangi. •Ogna sær innlit í endurnýtslu av skaldskapi á mannamunni. •Læra at arbeiða sjálvstøðugt og vísindaliga við avmarkaðum verkevnum. •Læra at brúka viðkomandi ástøði í greiningum av endurnýttum skaldskapi á mannamunni.

1435.16

Staðanavnafrøði (MA)

At studenturin fær grundleggjandi vitan um staðarnavnafrøði frá elstu tíðum til í dag.

1436.16

Tvímæli (MA)

At geva tær innlit og evni til kritiskt at arbeiða við tvímæli. Tú skalt skilja vísindatekstir um evnið og duga at arbeiða við tvímálsdata.

1437.17

Máltøka M1/M2 (MA)

Endamálið við skeiðnum er at veita innlit í máltøku, bæði fyrstu (M1) og aðru máltøku (M2). Tey lesandi fáa innlit í ástøði og kunnleika um, hvørjir tættir ávirka máltøku.

1438.17

Samfelagsmálvísindi (MA)

Endamálið við skeiðinum er at kanna samanhangin millum málnýtslu og sosialar bólkar, málvariatión, mál og samleika, hugburð o.s.fr. Serligur dentur verður lagdur á málvariatión í óformligum samskifti.

1439.17

Týðingarfrøði (MA)

At studenturin ognar sær innlit í almennar og serfrøðiligar ástøðiligar og verkligar spurningar viðvíkjandi týðing. Harumframt kunnleika um støðuna hjá týðing í samfelagnum og førleika at týða.

1440.17

Økokritikkur (MA)

Studentarnir ogna sær innlit í ástøðiliga rákið økokritikkur og læra seg at brúka hugsanir úr tí í sjálvstøðugum, greinandi arbeiði við tekstum. Harumframt læra studentarnir at meta og kjakast um økokritikk sum ástøði í bókmentavísindaligum samanhangi.

1441.17

Den skønlitterære tekst: Fire parametre (MA)

At give den studerende indsigt i genrebegrebet og gøre den pågældende i stand til at skelne skønlitteratur fra saglitteratur og holde de forskellige skønlitterære genrer ude fra hinanden ud fra en indsigt i de dybereliggende tekstparametre.

1442.17

William Heinesen – yrkingar í samteksti (MA)

Endamálið er at lýsa og umrøða, hvussu yrkingarlagið hjá Williami Heinesen broytist við ella ímóti skiftandi bókmentarákum í 20. øld. Sam¬bandið við føroyskan og annan skaldskap og aðra list verður kannað sum millumtekstasamband eins og gjøgnum ástøði um yrkingarkynstur í 20. øld.

1444.17

Nútíðarføroyskt (MA)

Tann lesandi skal ogna sær vitan um eldri og nýggjari gransking í føroyskum innan økið setningafrøði & málvariatión.

1445.17

Fólkanavnafrøði (MA)

At studenturin fær holla vitan um fólkanavnagávu frá elstu tíðum til í dag.

1446.17

Kyn í Norðurlendskum bókmentum eftir 1970 (MA)

Ogna sær ástøði um kyn og bókmentir og fáa gott innlit í samtíðarbókmentir í Norðurlondum.

1447.17

Bókmentaligur kritikkur og ummæli (MA)

Studentarnir ogna sær munagott innlit í ástøði um bókmentaligan kritikk og ummæli sum tekstslag. Tey mennast í at greina sjálvstøðugt, hvussu bókmentir verða lýstar, greindar og mettar í miðlahøpi.

1448.17

Økiskanning (MA)

Studenturin skal læra • sjálvstøðugt at brúka og meta um sínar førleikar í einum samfelagsligum samanhangi við at taka á seg uppgávur á einum mentanarstovni og • við støði í hesum læra at hugsa greinandi um, hvussu ástøðilig mál- og/ella bókmentafrøðiliga vitan, sum er partur av lestrinum, roynist verkliga.

1449.17

Fólkanavnafrøði (MA)

At studenturin fær holla vitan um fólkanavnagávu frá elstu tíðum til í dag.

1603.04

M.A.-ritgerð

1717.06

M.A.-fyrilestur