M.A. í føroyskum

Skeiðslisti

1455.18

Purisma (MA)

Endamálið við skeiðinum er at kanna føroyska purismu í norðurlendskum samanhangi. Tað merkir, at tey lesandi bæði skulu fáa innlit í føroyska og norðurlendska purismu. Hetta samanberandi háttalagið skal geva teimum lesandi møguleika fyri at síggja líkleikar og munir millum tey norðurlendsku málsamfeløgini, tá ið tað snýr seg um purismu bæði søguliga og samtíðarliga.

1456.18

Realisma og poesi í ritverkinum hjá Heðini Brú (MA)

Endamálið við skeiðnum er at fáa eitt yvirlit til vegar yvir ritverkið hjá Heðini Brú, vísa á samanspælið millum realistiska og poetiska prosa og umrøða ritverkið í føroyskari og norðurlendskari menta- og bókmentasøgu.

1457.18

‘Blue North’. Ímyndir um norð í norðuratlantiskum skaldsøgum (MA)

At kanna Nordic Noir-dæmdar ímyndir í norðuratlantiskum skaldsøgum við støði í ’Place Studies’ og bókmentalandafrøði. Studentarnir ogna sær vitan um, hvussu landafrøðiligar ímyndir verða brúktar í skaldsøgum og í øðrum skaldskapi. Serliga verður hugt at ímyndum um norð, sum bindur nógvar landafrøðiligar lýsingar saman. Til tess at kanna dynamikkin í hesum ímyndum verða serliga (landafrøðilig) hugtøk sum ‘the blues’, ‘imagined geography’ og ‘ultraminor literature’ brúkt sum greiningaramboð.

1458.18

Ættarnavnafrøði (MA)

At studenturin fær holla vitan um ættarnavnafrøði frá elstu tíðum til í dag.

1603.04

M.A.-ritgerð

1717.06

M.A.-fyrilestur