M.S.Sc. í politikki og umsiting

Skeiðslisti

1433.16

Politiskt samskifti (MA)

Endamálið við skeiðinum er at gera studentarnar førar fyri at skilja, greina og loysa ítøkiligar spurningar um samskifti í politiskum samanhangi. Studentarnir fáa vitan um broytingarnar í politiskum samskifti seinnu árini, læra at gera mun á ymiskum sløgum av politiskum samskifti, fáa innlit í tær snildir, sum eyðkenna politiskt samskifti umframt innlit í leiklutin, sum politiskt samskifti hevur í fólkaræðinum í dag.

2411.11

Føroyskur kollektivur arbeiðsrættur. Stakskeið í løgfrøði - masterstig.

At veita innlit í føroyska felagsverklóg (kollektivan arbeiðsrætt), serliga í tær mongu rættarkeldurnar á arbeiðsmarknaðinum merktum av spjaddum rættarskapandi stovnum sum fakfeløgum, dómstólum, altjóða rákum umframt lóggávu og fyrisiting, ið merkja eina ymiskliga og broytiliga støðu. Dentur verður lagdur á háttalag at meta um rættarstøðuna.

2411.15

Føroyskur kollektivur arbeiðsrættur.

At veita innlit í føroyska felagsverklóg – kollektivan arbeiðsrætt – serliga í tær mongu lógkeldurnar á arbeiðsmarknaðinum merktum av spjaddum rættarskapandi stovnum, fakfeløgum, Fasta Gerðarrætti og øðrum dómstólum, Løgtingi og altjóða stovnum, sum orða høvuðsavtalur og sáttmálar, dómar og úrskurðir, umframt lóggávu, avgerðir og álit. Hesar ymsu lógkeldurnar samvirka at skapa sera ymiskliga og broytiliga støðu. Síðan Fasti Gerðarrættur var settur á stovn er hann vorðin alsamt meiri týðandi sum tann stovnur ið samskipar og mennir hesa avbjóðandi skipan. Men framvegis hevur stóran týdning at hava innlit í ávirkan frá danskari lóg, altjóða stovnum, og lóggávu ið stundum leggur uppí, umframt teir mongu kollektivu sáttmálarnar og tengdar siðvenjur. Skeiðið veitir kunnleika og háttalag at meta um hesa fjølbroyttu rættarstøðu.

2412.15

Føroysk fyrisitingarlóg

At veita innlit í føroyska fyrisitingarlóg, serliga í tær mongu lógkeldurnar á økinum ið merkt er av ymsum rættarskapandi stovnum, Løgtingi og fyrisiting, samveldisstovnum, vanligu rættarskipanini, serligum trætustovnum og kærunevndum og ikki minst Løgtingsins Umboðsmanni, sum tilsamans orða tinglógir, kunngerðir, kæruavgerðir, úrskurðir, dómar og álit. Harumframt eru á hesum øki sera nógvar bókmentir ið hava stóra ávirkan. Hesar ymsu lógkeldurnar samvirka at skapa sera fjøltáttaða og broytiliga støðu. Síðan Løgtingsins Umboðsmaður var settur á stovn er hann vorðin alsamt meiri týðandi sum tann stovnur ið samskipar og mennir hesa avbjóðandi skipan. Men framvegis hevur stóran týdning at hava innlit í tær stóru tinglógirnar á økinum, umframt ávirkan frá danskari lóg og altjóða stovnum, og ymsari serligari lóggávu ið mangan er viðkomandi, umframt tengdar siðvenjur, serliga góðan fyrisitingarsið ið støðuga mennist. Skeiðið veitir kunnleika og háttalag at meta um hesa fjølbroyttu rættarstøðu.

2414.10

Føroysk fiskirættindi í altjóða lóg - Masterstig í Løgfrøði

At veita teimum lesandi kunnleika til føroysk fiskirættindi sum tey verða ásett í altjóða høpi og eftir altjóða lóg. Dentur verður lagdur á eyðkenni við altjóða lóg sum viðkomandi eru fyri land sum Føroyar. Tey lesandi skulu fáa fatan av týðandi rættarkeldu og gransking á økinum, og grundleggjandi førleikar at meta um høvi og loysnir á altjóða tilfeingisspurningum, serliga tengdum at fiskirættindum. Tey lesandi skulu: • læra at skilja, hvussu altjóða lóg viðv. fiskivinnurættindum er skipað. • duga at meta ymisk sjónarmið viðvíkjandi støðu Føroya í altjóða lóg. • vera før fyri at meta um ymiskar altjóða lógarkeldur í viðkomandi høpi. • fáa eina fatan av, hvussu føroysk fiskirættindi eru knýtt at umheiminum. • sjálvstøðugt megna at leggja fram og viðgera ávíst evni í hesum høpi. Skeiðið vendir sær eisini til teirra, ið hava almennan áhuga fyri altjóða lóg og fiskivinnu.

2417.12

Føroyskur skattarættur

At veita teimum lesandi kunnleika til føroyskan skattarætt í lóg og venju. Tey lesandi skulu fáa innlit í týðandi rættarkeldur og gransking á økinum, og grundleggjandi førleikar at meta um høvi og loysnir innan skattarætt, læra at skilja og síggja, nær ein avgerð ella ætlan kann hava við sær skattlegging, duga at leita fram og meta um tær rættarkeldur, sum kunnu svara skattligum spurningum, fáa venju í at bera fram skattarættarliga próvgrund í skrift og talu, fáa eina fatan av, hvussu skattarættur er knýttur at vinnulívsrættinum, sjálvstøðugt megna at leggja fram og viðgera ávíst evni í hesum høpi.

2419.11

Brúkaralóg. Stakskeið í løgfrøði - masterstig.

At veita innlit í føroyska brúkaralóg í víðari merking, hetta fevnir um innlit í marknaðarføringarlógina og aðrar lógir, ið viðvíkja veitarum og brúkarum, so sum keypilóg og ásetingar um trygd, ábyrgd og rættargang. Hetta innlit skal fevna um í senn tættir í privatlóg (millum brúkara og veitara), almennari lóg (heimildir og skyldur hjá eftirlitismyndugleikum), process (mannagongdir í eftirliti, kæru og rættarsókn), umframt fatan av bæði rættarstøðuni í grannalondum og væntandi framtíðar gongd og menning á økinum.

2420.11

Skattlig viðgerð av peningakrøvum og peningaskuld (serskeið í føroyskum skattarætti). Stakskeið í løgfrøði - masterstig.

At veita teimum lesandi kunnleika til føroyskan skattarætt í lóg og venju. Tey lesandi skulu fáa førleikar at meta um høvi og loysnir innan skattarætt. Tey lesandi skulu: • læra at skilja og síggja, nær ein avgerð ella ætlan kann hava við sær skattlegging. • duga at leita fram og meta um tær rættarkeldur, sum kunnu svara skattligum spurningum. • fáa venju í at bera fram skattarættarliga próvgrund í skrift og talu. • fáa eina fatan av, hvussu skattarættur er knýttur at vinnulívsrættinum. • sjálvstøðugt megna at leggja fram og viðgera ávíst evni í hesum høpi.

2421.11

Føroyskur kommunurættur. Stakskeið í løgfrøði - masterstig.

At veita innlit í føroyskan kommunurætt, herundir reglur og mannagongdir um skipan og virki hjá kommunustýrinum, óskrivaða rættin um kommunufulltrúina og landsins eftirlit við kommununum. Eisini er endamálið at lýsa serligu føroysku fyritreytirnar, ið tala fyri, at føroyskur kommunurættur má metast í mun til sítt sjálvstøðuga grundarlag.

2423.12

Havrættur

2429.14

Løgræði

Skeiðið birtir uppundir at fáa tey lesandi at umhugsa ta skipan ið tey ætla sær at virka í – tað ið vit nevna “lógina” – og breiðari um stjórn. Sum skeið í ástøðiligari løgfrøði, kann tað kennast meiri alment og minni ‘løgfrøðingakent’ enn vanligu lógskeiðini, men roynt verður at sýna týdningin fyri løgfrøðiyrkið. Sambandið millum lógbundna stjórn og fólkaræði verður kannað, umframt sambandið millum lógbundna stjórn og stjórnarskipanarstevnu. Siðbundni spurningurin er: “hvat er lóg?” Vanliga háttalagi at svara dylir ofta ta sannroynd at veruliga avbjóðingin er slagið av stjórn: hvat er at stjórna eftir lóg og verða stjórnaður eftir lóg? Í løgfrøðiligum bókmentum í ensktmælta heiminum verður okkurt nevnt “løgræði” umrøtt; og samsvarandi er hugmynd um ríki har løgræði er í hásæti nevnt rættarsamfelagið (á enskum enntá ofta nevnt “Rechtstaat”), hóast tann hugmyndin meira er sprottin úr europeiska meginlandinum. Fleiri ástøði eru um løgrøði og rættarsamfelag; skeiðið hyggur at siðbundnum bókmentum um bæði og ber saman ymsu ástøðini. Skeiðið kannar evnið løgræði – hvat er at stjórna og verða stjórnaður eftir lóg – á ósiðbundnan hátt.

2432.15

Løgfrøðilig fatan

At veita innlit í ymsa fatan og siðsøguliga menning í vísindaligari og praktiskari løgfrøði, herundir norrøna lógmentan, klassiskan og nýtulkaðan natúrrætt, lógpositivismu og rættspositivismu, dynamiskar traditiónir og pragmatismu. Dentur verður lagdur á kunnleika um hesi ymsu rák og at síggja, hvussu tey ávirka lógkeldur og venju í ymsum tíðarskeiðum, stovnum og høpum. Serliga verður hugt at hvat virði er í at kenna og brúka ymsar løgfrøðiligar fatanir. Fakið er ætlað løgfrøðilesandi, umframt øðrum við siðsøguligum og stjórnarligum áhuga.

2433.14

Løgsøga

At veita innlit í føroyska løgsøgu (lógsøgu og rættarsøgu) – við denti á at finna og fata eldri føroyskar lógarheimildir, og hvussu rættarskipan í Føroyum er ment frá altingsskipan til skipanina í dag. Greitt verður frá sambandinum millum søgu og lóg, hvussu ymsu søguligu rákini og tíðarskeiðini síggjast aftur lóg og rættarskipan. Týðandi tíðarskeið eru landnám, savningin av norska ríkinum, einaveldið og nýskipan tess og nýggjari stríð fyri fólkaræði, sjálvræði og menning. Týdningarmikil partur av løgsøguni og týdningi hennara fyri núverandi skipanir er at skilja føroysku fjarstøðuna frá ymsu miðveldunum ið gav bæði tørv og høvi at menna egnar skipanir í mismunandi samskifti við størru skipanirnar. Føroysk siðvenjulóg er grundleggjandi at fata til tess at skilja eldri føroyska søga og nógvar av seinnu avbjóðingunum bæði at tulka lóg og at nýskipa búskap og samfelag.

2434.14

Byggi - og skipanarlóg

At veita innlit í føroyska byggi - og skipanar lóg, serliga í tær mongu lógkeldurnar á økinum ið merkt er av ymsum rættarskapandi stovnum, Løgtingi, fyrisiting og kommunum, vanligu rættarskipanini og serligum trætustovnum, ikki minst kærunevndini í lendismálum, sum tilsamans orða tinglógir, kunngerðir, kæruavgerðir, úrskurðir, dómar og álit. Á hesum øki eru ikki nógvar bókmentir, men munandi av venju. Henda venja og ymsu lógkeldurnar samvirka at skapa fjøltáttaða og broytiliga støðu. Síðan kærunevndin í lendismálum varð settur á stovn, er hon vorðin alsamt meiri týðandi sum tann stovnur ið samskipar og mennir hesa avbjóðandi skipan. Men framvegis hevur stóran týdning at hava innlit í tær stóru tinglógirnar á økinum, umframt ávirkan frá danskari lóg og altjóða stovnum, og ymsari serligari lóggávu ið mangan er viðkomandi, umframt tengdar siðvenjur. Skeiðið veitir kunnleika og háttalag at meta um hesa fjølb royttu rættarstøðu.

2435.15

Altjóða lóg

At geva teimum lesandi alment innlit í altjóða lóg og ástøði um altjóða lóg. Vit fara at lýsa týðandi innihaldsligar partar av altjóða lóg, so sum reglurnar um valdsnýtslu, kríggj, ábyrgd hjá ríkjum, mannarættindi, løgdømi og órin og tulking av sáttmálum. Vit fara eisini at leggja dent á serligu altjóðarættarligu avbjóðingarnar fyri smá løgdømi í samveldisstøðu, herundir altjóða persónleika hjá sjálvstýrandi politiskum eindum, sum ikki eru statir í altjóða merking.

2436.15

Barnarættur

At veita innlit í tær lógir og meginreglur, sum áseta rættarstøðuna hjá børnum, bæði í mun til sambandið millum børn og foreldur, herundir um foreldramyndugleika, samveru v.m., og sambandið millum foreldur og barnaverndarmyndugleikar, herundir fyriskipanir í sambandi við vanda fyri heilsu og menning barnsins v.m. Dentur verður lagdur á at veita innlit í mest týðandi reglur og tinglógir á økinum, m.a. barnaverndarlógina, lóg um foreldramyndugleika og samveru og barnarættindasáttmálan undir ST og fremjing av hesum sáttmála í innlendis rætti. Eisini verður leikluturin hjá ymsu fyrisitandi og rættarskapandi stovnunum lýstur, so sum Løgtinginum, vanligu rættarskipanini, barnaverndartænastum og Høvuðsbarnaverndarnevndini, Ríkisumboðnum, kærunevnd og Løgtingsins Umboðsmanni í leiklutinum sum barnaumboðsstovni.

2437.15

Fíggjarrættur

At veita luttakarunum innlit í tær lógir og reglur, sum knýta seg at fígging av feløgum, upptøku av láni og trotarættarligum viðurskiftum hjá feløgum v.m. Komið verður eisini inn á felagsrættarligar og skattarættarættarligar spurningar, ið stinga seg upp í sambandi við fígging av feløgum. Skeiðið lýsir ymisku hættirnar at fíggja fyritøkur, sum eru mest vanligir, og fyrimunir og vansar valinum teirra millum.

2440.16

Almennur starvsfólkarættur

At veita innlit í tær lógir, reglur og meginreglur, sum áseta rættarstøðuna hjá alment settum starvsfólkum í samvirki teirra við arbeiðsgevaran.

2441.16

Hjúnaskilnaðarrættur

At veita innlit í lógir, lógarreglur og venjur, sum eru galdandi í sambandi við, at hjúnafelagar skiljast ella verða sundurlisnir.

2442.16

Heimastyri og stýrisskipan

Endamálið við skeiðnum er at geva teimum lesandi gjølliga løgfrøðiliga fatan av, innlit í og førleika at tulka og umsita føroysku stýrisskipanina í breiðari merking, serliga heimastýrisskipanina og stýrisskipanarlógina.

2443.16

Nýggjur vesturnorrønur stjórnarrættur

Hetta er tvørfakligt skeið, ið kannar stóru broytingarnar, ið nýggjar hugsanir um stjórnarskipanir hava havt við sær. Skeiðið hevur serligt atlit at londunum í útnorðri og leggur dent á stjórnarskipanarenduskoðan, ment rættindi og kvasi-samveldisskipanir.

2444.17

Almennur etikkur

Endamálið við skeiðnum er fyrst at gera tann lesandi tilvitaðan um etiskar spurningar, og hvussu hesir verða viðgjørdir úr einum moralfilosofiskum sjónarhorni. Síðan er endamálið, at næmingurin mennir sínar førleikar at allýsa filosofiskar fyritreytir og ábendingar, ið liggja aftanfyri lóggávu og lógaruppskot.

2452.16

Føroyskur kirkjurættur

Sambært LL nr. 48 frá 10. mai 2013 um størv í fólkakirkjuni §2, Stk. 1 skulu prestar hava lært nám í føroyskari kirkjusøgu, skipan, siðum og embætisførslu, áðrenn tvey ára starvstíð er lokin. Hetta er tað triðja av trimum kravdum skeiðum á tilsamans 30 ECTS. Skeiðið er samstundis eisini dogmatiskt skeið, ið verður boðið út í MA í løgfrøði á Setrinum.

2470.15

Methodology in Masterlearning

The purpose of the course is to provide the students with the ontological and epistemological basis and principles of Masterlearning.

2471.15

Politics and Administration

The purpose of the course is to provide the students with theoretical basis for further studies in politics and public administration

2472.15

Social Studies and Planning

The purpose of the course is to provide the students with advanced conceptual and theoretical competences within the study of the functioning of society and intentional social change.

2474.15

Masterlearning project

2475.16

Praksislæra

Endamálið við praksislæruni, er at víðka akademisku arbeiðsførleikarnar hjá tí lesandi, umframt at skapa samanhang millum útbúgving og arbeiðsmarknað. Hetta skal fevna um: • Kvalifisering av teimum lesandi til størv innan tað fakøki ella tema, sum tey arbeiða innanfyri á masterlæruni, hetta við at teoretisk vitan kemur í spæl við praksis. • Skapa samanhang millum universitera læring og føroyska ella altjóða arbeiðsmarknaðin, harundir eisini netverk og sambond innan sítt virkisøki fyri tann einstaka lesandi. • Styrkja analytisku førleikarnar hjá tí lesandi, hetta gjøgnum praksisrættaða og problemgrundaða verkætlan. • Vísindaligt arbeiðslag gjøgnum praksisrættaða og problemgrundaða verkætlan, har vegleiðing og seminar stuðla undir hesi menning.

2476.16

Advanced methodology in Master learning (History; Social Analysis and Planning; Politics and Administration).

2477.17

Politics and Administration in Small States and Islands

2480.17

Master Learning Thesis (History; Social Analysis and Planning; Politics and Administration).

2489.16

Evnisrættað synopsa á master-læru (søga, sosialvísindi & samfelagsplanlegging, politikkur og umsiting).

Endamálið er, at tey lesandi, við støði í teirra valda evnisøki á masterlæruni, sjálvstøðugt evna at lýsa eina fakliga breidd innan eitt úrvalt evnisøki, umframt at fyrihalda seg kritiskt-refleksivt til útvaldar problematikkir innan hetta sama evnisøki.

2491.15

Political Sociology of Governance and Sustainable Management in the West Nordic Region.

2492.15

Science, Economics and Politics of Sustainability, Climate, and Environment.

2493.16

Governance and Sustainable Management in the Faroe Islands

2494.16

West Nordic Geopolitics from a Faroese Perspective

2496.17

Green Student-House project

2498.17

Green Student-House Project 1

2499.16

Green Student-House project 2

2499.17

Green Student-House Project 2

2500.17

Green Student-House Project 3

2501.17

Green Student-House Project 4

2502.17

Green Student-House Project 5

2899.08

Góðskriving frá øðrum universiteti

8707.16

Heilsunámsfrøði, fyribyrging og heilsufremjan

Endamálið við skeiðinum er, - at lesandi ognar sær vísindagrundaða vitan um og førleika til at greina samfelagslig viðurskiftir, sum hava týdning fyri heilsu - at lesandi ognar sær vísindagrundaða vitan og førleika at menna heilsufremjandi tiltøk - at lesandi mennir førleikar og ognar sær vísindagrundað amboð at greina heilsuspurningar úr einum kontekstuellum perspektivi Skeiðið er eisini grundarlag undir framhaldandi førleikamenning innan heilsuvísindaliga gransking í komandi skeiðum