M.Sc. í fólkaheilsu

Master of Science in Public Health

  • Gev gætur: Kunnað verður seinni um, nær útbúgvingin verður í boði aftur
  • Lestrartíðin er 4 ár og telur 120 ECTS. Útbúgvingin er skipað sum hálvtíðarlestur, men kann eisini lesast sum fulltíðarlestur í 2 ár
  • Lokin útbúgving gevur rætt til heitið Master of Science, stytt M.Sc.
  • Útbúgvingin er staðsett á Sjúkrarøktarfrøðideildini, Jónas Broncksgøta 25, 3.h, Tórshavn
  • Sjúkrarøktarfrøðideildin verður eisini rópt SFD
  • Umleið 24 lesandi verða tikin inn á útbúgvingina
  • Lestrargjald:
    • Fulltíðarlestur: Ókeypis fyri borgarar í danska ríkinum o.ø. Norðurlondum
    • Hálvtíðarlestur: Ókeypis fyri borgarar í danska ríkinum o.ø. Norðurlondum 
    • Stakgreinir: 5000 DKK pr. eind á 15 ECTS
  • Umsóknarbløð og leiðbeining eru at finna HER
  • Umsóknarfreistir eru at finna HER

Endamál

Endamálið við útbúgvingini er at geva teimum lesandi førleikar at nýta fólkaheilsuvísindaliga vitan í verki á víðkaðum støði, at greina samspælið millum samfelagslig viðurskifti og fólkaheilsu, at greiða frá, meta um og kunna nýta mest nýttu vísindaligu háttaløgini í fólkaheilsugransking og at arbeiða spurdómsgrundað og tvørvísindaligt á einum høgum fakligum stigi.

Skipan av útbúgvingini

Master utbúgvingin í fólkaheilsu tekur fýra ár og er skipað sum hálvtíðarlestur yvir fýra ár.

Í fyrstu lestrarhálvu er dentur lagdur á at læra vísindaástøði og háttalagsfrøði.

Í aðru lestrarhálvu eru so fylgjandi lærugreinir á skrá: fólkaheilsa, samfelag/mentan og heilsa, tjóða og altjóða rættindi, føroysk lóggáva á heilsuøkinum.

Í triðju lestrarhálvu verður farið í dýpdina við heilsugransking.

Fjórða lestrarhálva er valfrítt skeið

Í fimtu lestrarhálvu veður undirvíst í heilsunámsfrøði, fyribyrging og heilsufremjan

Sætta lestrarhálva miðsavnar seg um samtíðardiagnosu, her er aftur valfrítt skeið.

Í sjeyndu og áttandu verður so masterritgerðin skrivað.

Bygnaður

1.
lestrarhálva
2.
lestrarhálva
3.
lestrarhálva
4.
lestrarhálva
5.
lestrarhálva
6.
lesttrarhálva
7. og 8.
lestrarhálva

Vísinda-
ástøði og
háttalags-
frøði

15 ECTS

Fólkaheilsa,
samfelag/
mentan og heilsa,
tjóða og
altjóða
rættindi, føroysk
lóggáva á
heilsuøkinum

15 ECTS

Heilsu
gransking

15 ECTS

Valfrítt
skeið

15 ECTS

Heilsu-
námsfrøði,
fyribyrging og
heilsuframi

15 ECTS 

Samtíðar-
diagnosa /
valfrítt skeið

15 ECTS

Master-
ritgerð

30 ECTS

 

Hvørja lestrarhálvu skal tann hálvtíðarlesandi bert taka 15 ECTS, meðan tann fulltíðarlesandi kann taka 30 ECTS.

Innihald

Útbúgvingin viðger sjónarmið og mát fyri heilsu og fólkaheilsu, og menniskjans samspæl við heilsuligar avbjóðingar og samfelagsligar treytir í dag og gjøgnum tíðina; greinar umhvørvisárin á heilsu, arvaligar sjúkur, kostinntøku og kropsliga venjing, og hvussu fólkaheilsan verður merkt av hesum tættum.

Studentarnir fáa innlit í, greina og meta gransking innan fólkaheilsu, og undirvísingin í vísindaástøði og háttalagsfrøði ger studentarnar førar fyri at fyrihalda seg kritiskt til granskingarúrslit og eru eisini týðandi amboð í sambandi við egin analytisk verkevni.

Dentur verður lagdur á holla vitan um og greining av fyribyrging og heilsuframa, og í hesum sambandi er eisini heilsunámsfrøði ein týðandi táttur.

Próvtøkur

Vanliga verður skipað fyri próvtøkum tvær ferðir um árið. Vetrarpróvtøkur eru í desember og januar, summarpróvtøkur eru í mai og juni. Skipað verður fyri endurpróvtøku og sjúkrapróvtøku um várið og um heystið.

Upptøkutreytir

Umsøkjarar skulu hava miðallanga útbúgving sum bachelor ella professiónsbachelor, eitt nú innan sjúkrarøktarfrøði, ljósmóðir, námsfrøði, lærarayrkið, sosialráðgeving, ergoterapi, fysioterapi, samfelagsfrøði ella bioanalysu.

Nærri meting verður gjørd í hvørjum einstøkum føri.

Tey, ið frammanundan hava tikið stakskeið innan heilsuvísindi á masterstigi á Fróðskaparsetrinum, kunnu søkja um at fáa tey skeiðini góðskrivað inn í útbúgvingina.

Framtíðarmøguleikar

Útbúgvingin gevur kandidatunum møguleika at førleikamenna seg at røkja arbeiði innan almanna- og heilsuverkið, ið krevur servitan og greinandi førleika á masterstigi.

Útbúgvingin er harumframt ætlað at geva studentum førleikar at arbeiða við granskingarverkætlanum í Føroyum innan heilsuvísindi.

Framhaldandi útbúgving

Við hesi útbúgving mennist tann lesandi til víðari lestur á ph.d.-stigi.

Umsóknarblað og umsóknarfreistir

Til ber at søkja um upptøku elektroniskt. Tú finnur umsóknarbløðini HER.

Sí vinaliga umsóknarfreistirnar HER.

Á síðuni eru eisini lagdar leiðbeiningar til umsóknarbløðini. Les leiðbeiningina væl, áðrenn tú fyllir umsóknarblaðið út.

Nærri kunning

Nærri kunning fæst við at venda sær til Marin Strøm, útbúgvingarleiðara á telduposti marins@setur.fo ella á tlf. nr. 292272

Nærri kunning

Nærri kunning fæst við at venda sær til Marin Strøm, útbúgvingarleiðara á telduposti marins(at)setur.fo ella á tlf. nr. 292272