![](https://setur.cdn.fo/savn/3778/bardur.jpg?width=624&height=350&rmode=crop&s=tRCfzQsvBtKuP8_2QPiaISC0qr8)
Nýggjur studentavegleiðari á NVD
Nýggjur studentavegleiðari á Náttúruvísindadeildini er Bárður Rasmussen. Hann hevur lisið BA í søgu á Søgu- og samfelagsdeildini (SSD) og er júst byrjaður sum lesandi á MA-útbúgvingini í vegleiðing á Námsvísindadeildini (NÁD).
Umframt vegleiðarauppgávuna á NVD, starvast Bárður sum studentavegleiðari á SSD, har hann hevur røkt hesa uppgávu síðan skipanin við studentavegleiðing varð sett á stovn í novembur 2012. Studentavegleiðarin er partur av og virkar í tøttum samstarvi við vegleiðaratoymið á Setrinum, ið fevnir um vegleiðarar á øllum deildum og í miðfyrisitingin.
Høvuðsuppgáva studentavegleiðarans er at vegleiða í spurningum, ið hava við lestraviðurskifti at gera. Hesi fevna m.a. um fakliga innihaldið í útbúgvingunum, námsskipan, akademiskt arbeiðslag, hvussu tann einstaki lesandi kann leggja lesturin til rættis, lestrarlív og trivnaðarspurningar.
Viðtalutíðir
Bárður Rasmussen byrjar í starvinum í komandi viku, t.e. vika 38, og verður at hitta í NVD-fundarhølinum týsdag og hósdag frá kl. 10.00 til 12.00. Eisini ber til at venda sær til Bárð við fyrispurningum á tel. 352555 ella umvegis telupost á NVD-studvegl@setur.fo
Les meira um lestrarvegleiðing her
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...