Kvotu 2 umsóknarfreist 15. apríl

Nú nærkast umsóknarfreistin at søkja inn til lestur á Fróðskaparsetrinum gjøgnum kvotu 2.

Til bachelorútbúgvingar á Setrinum er upptøkukravið, at tú hevur staðið gymnasialt miðnámsprógv, umframt at tað til nakrar av útbúgvingunum krevst, at tú lýkur møgulig serkrøv. Nærri kunning um serkrøv eru at finna á heimasíðuni inni undir teimum einstøku útbúgvingunum.

Fyri umsøkjarar, sum søkja inn eftir kvotu 1, verður einans hugt eftir miðalpróvtalinum í gymnasiala miðnámspróvnum. Hinvegin er eisini møguleiki at søkja inn eftir kvotu 2. Hetta er fyri tey, ið antin ikki hava nóg høgt miðalpróvtal í gymnasiala miðnámspróvnum til at verða upptikin gjøgnum kvotu 1, ella at tey hava útlendsk miðnámsprógv. Nærri kunning um hetta er at finna HER

Umsóknarfreistin til kvotu 2 er 15. apríl kl. 24:00

Til ber at søkja elektroniskt á netinum. Sí nærri HER.

Í ár verður talan um upptøku til 11 bachelorútbúgvingar. Hesar eru:

• KT-verkfrøði
• Fólkaskúlalærari
• Námsfrøði
• Sjúkrarøktarfrøði
• Sosialvísindi og samfelagsplanlegging
• Politikkur og umsiting
• Søga - smátjóðir og altjóðagerð
• Føroyskt - mál og bókmentir
• Vistfrøði (lívfrøði)
• Havlívfrøði
• Mýlalívsvísindi (lívfrøði)

Umsóknarbløð, saman við leiðbeiningum og nærri kunning annars, eru at finna HER á heimasíðuni.

Til ber at fáa nærri kunning um at søkja inn eftir kvotu 2 HER, eitt leinki til stroyming, tá ið Fróðskaparsetur Føroya hevði kunningarfund um kvotu 2-umsóknir mikudagin 21. mars.

Nærri kunning fyri hvørja útbúgving sær, er eisini at finna HER