Lestrarváttanir

Lestrarskrivstovan útflýggjar lestrarváttanir til tykkum lesandi, tá tit hava tørv á tí. Tit venda tykkum bara til Lestrarskrivstovuna og biðja um váttanina, tá tit hava tørv á henni. Niðanfyri eru nevnd nøkur dømi uppá lestrarváttanir, ið tú kanst fáa.

Sveiggj

Um tú ert eldri enn 26 ár, so krevst ein lestrarváttan frá Setrinum fyri at fáa rætt til at keypa Sveiggj-ferðaseðlar frá Atlantic Airways. Fyri at fáa eina lestrarváttan, so skalt tú hava verið fulltíðarlesandi í minsta lagi seinasta hálva árið. Tað vil siga, at tú skalt hava staðið 30 ECTS seinastu seks mánaðirnar.

Finsen

Um tú býrt í Finsen, so skalt tú árliga váttað fyri Bústaðir, at tú ert innskrivað/ur á eini útbúgving á Setrinum.

Studni

Um tú av onkrari orsøk ikki verður liðug/ur við lesturin til tíðina, so biður Studni teg um váttan frá Setrinum um, nær tú væntandi stendur endaligt prógv.

Skiftislestur

Um tú ætlar at fara á skiftislestur, so er ofta krav um, at tú hevur staðið ávíst tal av ECTS, áðrenn tú kanst verða gestalesandi á øðrum universitetum. Tá kanst tú biðja Lestrarskrivstovuna um váttan uppá tað, sum tú hevur staðið.