Útbúgvingarsíðan hjá búskaparfrøði og virkisfrøði

Vit vóna, at tú fært eina læruríka, kveikjandi og mennandi lestrartíð.

Á hesi síðuni finnur tú felags reglugerðir, vegleiðingar, oyðubløð, atgongdir til KT-skt-skipanir o.a., sum er hent og viðkomandi fyri tín lestur á Setrinum. Her finnur tú eisini námsskipanina fyri tína útbúgving, eitt yvirlit yvir bygnaðin av útbúgvingini og kunning um starvslæruna og bachelorritgerðina.

Her verður eisini kunnað um broytingar, so sum nýggjar mannagongdir, reglugerðir, tillagingar í námsskipanum o.a., sum kann hava ávirkan á tíni lestrarviðurskifti.

B.Sc. í búskaparfrøði og virkisfrøði

Bachelorútbúgvingin í búskaparfrøði og virkisfrøði er ein granskingargrundað útbúgving, sum miðar eftir, at veita útbúgving í búskaparfrøði og virkisfrøði á høgum stigøði og leggur seg eftir at bjóða skeið, sum víða eru mett at vera grundsteinar í tílíkari útbúgving. Dentur verður lagdur á føroysk stakdømi og, í tann mun, hetta letur seg gera, verður innihaldið eisini lagað til fortreytir og tørvir í føroyska samfelagnum.

Nærri lýsing av útbúgvingini, av almennu og fakligu førleikunum, sum dentur verður lagdur á í útbúgvingini, og av yvirskipaðu útbúgvingarlæruúrtøkunum sært tú í útbúgvingarprofilinum og í námsskipanini fyri B.Sc. í búskaparfrøði og virkisfrøði.