Útbúgvingarsíðan hjá KT-verkfrøði

Vit vóna, at tú fært eina læruríka, kveikjandi og mennandi lestrartíð. 

Á hesi síðuni finnur tú felags reglugerðir, vegleiðingar, oyðubløð, atgongdir til KT-skt-skipanir o.a., sum er hent og viðkomandi fyri tín lestur á Setrinum.  Her finnur tú eisini námsskipanina fyri tína útbúgving, eitt yvirlit yvir bygnaðin av útbúgvingini og kunning um bachelorritgerðina. 

Her verður eisini kunnað um broytingar, so sum nýggjar mannagongdir, reglugerðir, tillagingar í námsskipanum o.a., sum kann hava ávirkan á tíni lestrarviðurskifti.

B.Sc. í KT-verkfrøði

Endamálið við útbúgvingini B.Sc. í KT-verkfrøði er at útbúgva KT-verkfrøðingar til at brúka vísindaligar meginreglur – serliga frá teldufrøði og støddfrøði – til at útvega og røkja vælvirkandi, skjótar og álítandi telduskipanir til felagsskapir, handilsligar og almennar fyrisitingar. Endamálið við bachelor-útbúgvingini er eisini at útvega eitt gott grundarlag fyri víðari útbúgving og vísindaligari gransking innan teldufrøði, KT-verkfrøði ella líknandi vísindagreinum í einum skjótt mennandi vígvølli av Kunningar- og Samskiftistøkni (KST).

Bygnaður

Árgangur 2022-25

Árgangur 2023-26

Lærugreinar, tiknar á øðrum universitetum, kunnu eftir nærri meting í summum førum góðskrivast ístaðin fyri kravd skeið í útbúgvingini.

Gevið gætur: Fyrivarni verður tikið fyri broytingum, t.d. viðv. raðfylgju, skeiðsheitum og innihaldi í skeiðum.

* Skeið merkt við * eru fjarlestrarskeið frá Mittuniversitetinum.