Útbúgvingarsíðan hjá master í føroyskum

Vit vóna, at tú fært eina læruríka, kveikjandi og mennandi lestrartíð. 

Á hesi síðuni finnur tú felags reglugerðir, vegleiðingar, oyðubløð, atgongdir til KT-skt-skipanir o.a., sum er hent og viðkomandi fyri tín lestur á Setrinum.  Her finnur tú eisini námsskipanina fyri tína útbúgving, eitt yvirlit yvir bygnaðin av útbúgvingini og kunning um masterritgerðina. 

Her verður eisini kunnað um broytingar, so sum nýggjar mannagongdir, reglugerðir, tillagingar í námsskipanum o.a., sum kann hava ávirkan á tíni lestrarviðurskifti. 

M.A. í føroyskum máli og bókmentum

Á masterútbúgvingini í føroyskum máli og bókmentum á Føroyamálsdeildini er tín menning og læring í miðdeplinum. At lesa føroyskt gevur tær grundarlag fyri fjøltáttaðum og spennandi starvsmøguleikum, har góðir málsligir førleikar og hollur kunnleiki í føroyskum og til bókmentir eru neyðugir, eitt nú í miðlum, á forløgum, í fyrisiting, á granskingarstovnum og í undirvísing. Eingin annar stovnur í heiminum bjóðar dygdargóðar universitetsútbúgvingar í føroyskum máli og bólkmentum og hevur sum skyldu at fremja gransking á altjóða stigi í føroyskum. Umframt føroyskt mál og føroyskar bókmentir veitir útbúgvingin í føroyskum innlit í bókmentir og mál í øðrum Norðurlondum. Eisini er møguleiki at taka samansett M.A. í føroyskum. Tá er føroyskt høvuðsgrein sett saman við hjágrein. Samansett M.A. gevur førleika at undirvísa í tveimum lærugreinum í miðnámsskúlunum.

Nærri lýsing av M.A.-útbúgvingini, av almennu og fakligu førleikunum, sum dentur verður lagdur á í útbúgvingini, og av yvirskipaðu útbúgvingarlæruúrtøkunum sært tú í útbúgvingarprofili og í námsskipan fyri M.A. í føroyskum máli og bókmentum.

Bygnaður