Kunning

18-12-2024

Í dag fáa umsøkjarar, sum hava søkt um at lesa sjúkrarøktarfrøði, svar um upptøku. Hjartaliga til lukku til tykkum, sum hava fingið bjóðað lestrarpláss.

Í kassanum til høgru er týdningarmikil kunning til tín, sum ert sloppin inn á útbúgvingina, eitt nú vælkomubræv og kunning um fyrstuhjálparskeið.

Vit fara at gera tær eitt lestrarkort, sum tú fært við lestrarbyrjan. Fyri at vit kunnu gera tær lestrarkort, mugu vit fáa eina mynd av tær. Myndin skal vera av tínum andliti. Eitt sokallað “selfie” er fínt. Myndin skal sendast til umsokn@setur.fo. 

Vælkomin á Setrið :)

19-08-2024

Í dag byrjaði innleiðslan fyri teimum 25 nýggju lesandi, sum byrja á útbúgvingini í summar. Vit ynskja teimum hjartaliga vælkomin.

Vælkomubrævið við skrá yvir innleiðsluvikuna er at finna í kassanum til høgru.

Kunningartilfarið og framløgurnar, sum hava verið í innleiðsluvikuni, eru at finna HER.