Poul Andreas Eide (1923-1970)
Poul Eide varð føddur 31. mars 1923 í Tórshavn. Hann var giftur við Hjørdis f. Thomsen úr Norðragøtu.
Hann tók læraraprógv á Føroya Læraraskúla 1954 og var síðan lærari í Millum- og Realskúlanum í Tórshavn 1954-65. Áðrenn hann fór á læraraskúla, var hann vikarur við Gjógv og í Funningi.
Poul Eide vaks upp hjá mostur síni, Mariu Eide Petersen, sum var lærarinna í Funningi 1924- 1959. Maria var uppvaksin við kvøðing úti í Nólsoy og í Funningi var virkið dansilív frá gamlari tíð – serliga vóru donsku vísurnar høgt í metum í Funningi. Poul Eide nevnir kvæðakempuna Marius Jóannesarson sum íblástur og fyrimynd á sínum ungu árum, og Poul sjálvur verður eisini nevndur sum kveikjari, bæði í dansinum í heimbygdini – hann var høvuðsmaður í arbeiðinum at reisa dansistovuna í Funningi - og tá ið hann flutti til Havnar 1955 var hann virkin millum tey sum dansaðu í Havn. Poul legði eisini vísu- og kvæðabókina Stígum fast til rættis, ið kom út í 1963.
Vísu- og kvæða bókin Stígum fast
Í bandasavninum fata upptøkurnar við Poul Eide bæði um sálmar, kvæði og vísur, umframt okkurt viðtalið og okkurt skjaldur.
Keldur:
- Niels Jákup Thomsen, Ritstj. Føroyskir fólkaskúlalærarar 1870-1997. BFL, 1998.
- Viðtal við Jógvan Højsted í sendingini Dansival 04-11-2015
- Viðtal sum Karl Clausen gjørdi við Poul Eide í 1967