B.Sc. í sjúkrarøktarfrøði
- Lestrartíð 4 ár
- Deild Deildin fyri Heilsu- og Sjúkrarøktarvísindi
- Tal á Lesandi Tal av lesandi er 50 um árið (25 lesandi um várið og 25 lesandi um heystið)
- ECTS 240 (Ástøði ECTS 150 – Klinik ECTS 90)
- Lestrargjald (Fulltíðarlestur) Ókeypis fyri borgarar í danska ríkinum o.ø. Norðurlondum
- Lestrargjald (Stakgreinir) 200 DKK/ECTS
Endamál
Endamálið við útbúgvingini er at geva lesandi førleika til eftir lokna útbúgving at kunna virka sjálvstøðugt sum sjúkrarøktarfrøðingur og vera við í fakligum og tvørfakligum samarbeiði.
Bygnaður
Lestrarhálva |
|
| ||
1. | Ástøðiligt tíðarskeið – Yrki og grundleggjandi tørvir 14 ECTS | Ástøðiligt tíðarskeið - Mannakroppur 16 ECTS | ||
2. | Ástøðiligt tíðarskeið - Sjúkrarøkt av somatisk sjúkum - I 15 ECTS |
| Ástøðiligt tíðarskeið - Sjúkrarøkt av somatisk sjúkum - II 15 ECTS | |
3. | Kliniskt sjúkrarøkt av somatisk sjúkum 15 ECTS | Ástøðiligt tíðarskeið - Sjúkrarøkt av bráð- og álvarsliga sjúk 15 ECTS |
| |
4. | Ástøðiligt tíðarskeið - Heilivágrokning 1 ECTS | Ástøðiligt tíðarskeið - Sjúkrarøkt av varandi sjúkum 11 ECTS | Kliniskt tíðarskeið - sjúkrarøkt av eldri og varandi sjúkum - I 9 ECTS | Kliniskt tíðarskeið - sjúkrarøkt av eldri og varandi sjúkum - II 9 ECTS |
5. | Ástøðiligt tíðarskeið - Heilsufremjandi og fyribyrgjandi sjúkrarøkt í samfelags høpi 10 ECTS |
| Kliniskt tíðarskeið - Sjúkrarøkt av børnum og familju 20 ECTS |
|
6. | Kliniskt og ástøðiligt tíðarskeið - sjúkrarøkt til sálarliga sjúk 16,5 ECTS |
| Kliniskt tíðarskeið - Rehabilitering. Góðskutrygging og - menning. Heilsutøkni 13,5 ECTS |
|
7. | Kliniskt tíðarskeið - I.V. og transfusiónsskeið 1,5 ECTS | Kliniskt og ástøðiligt tíðarskeið - Sjúkrarøkt: Relatión í stutta møtinum 10,5 ECTS | Kliniskt tíðarskeið - Sjálvstøðug yrkisútinning og leiðsla 18 ECTS | |
8. | Ástøðiligt tíðarskeið - Verkætlanarlýsing 10 ECTS |
| Ástøðiligt tíðarskeið - Bachelorritgerð 20 ECTS |
|
Samlað ECTS | 240 |
|
|
|
Skipan av útbúgvingini
Útbúgvingin til sjúkrarøktarfrøðing tekur 4 ár.
Útbúgvingin fatar um ástøðiliga undirvísing á Setrinum samanlagt í 2 ½ ár, og kliniska undirvísing samanlagt í 1 ½ ár, á ymiskum deildum á sjúkrahúsum, ellis- og røktarheimum, viðgerðar og fyribyrgingarstovnum, í heimatænastuni og øðrum stovnum undir almannaverkinum kring landið og í venjingarstovu á Setrinum.
Útbúgvingin endar við eini B.Sc.-ritgerð.
Útbúgvingin er skipað í 8 lestrarhálvur á 30 ECTS, ið verða býttar í tvey skeið.
Lestrarárið hjá lestrarhálvunum sum byrja um várið eru frá viku 5 til og við viku 25. Lestrarárið hjá lestarhálvunum sum byrja um heystið eru frá viku 34 til og við viku 3.
Summarfrí er í juli og august.
Fastar frívikur eru í heystferiuni, millum jól og nýggjár, viku 4 og páskavikan.
1 vika er 1,5 ECTS. Arbeiðsbyrðan hjá lesandi er roknað at vera í minsta lagi 40 tímar um vikuna.
Innihald
Útbúgvingin skal, í samsvari við ta samfelagsligu, vísindaligu og tøkniligu menningina og tørvin á sjúkrarøkt, geva teimum lesandi førleika í ástøðiligum og kliniskum sjúkrarøktarkunnleika.
Próvtøkur
Í hvørjari lestarhálvu eru ein ella tvær próvtøkur og kravdir lestraraktivitetir, har mett verður, um lesandi hava staðið læruúrtøkurnar fyri ávísa skeiðið ella kravda lestraraktivitetin.
Metingarhættir: Skrivligar próvtøkur, skrivligar próvtøkur við munnligari próvhoyring/framløgu, skrivligar próvtøkur við praktiska útinnan og munnligari próvhoyring.
Kliniskir førleikar verða mettir við støðumeti.
Útbúgvingin endar við skrivligari bachelor ritgerð.
Upptøkutreytir
Treyt fyri upptøku er bókligt (t.e. gymnasialt) miðnámsskúlaprógv við nóg góðum miðalpróvtal, umframt lærugreinarnar føroyskt A, enskt C og danskt á støði við fráfaringarroynd fólkaskúlans.
Miðnámsskúlaprógv er altíð eitt krav, men er miðalpróvtalið ikki nóg høgt, ber til at søkja eftir kvotu 2, har aðrar fortreytir við javnsettum kunnleikastøði kunnu góðtakast eftir nærri meting.
Tey, sum søkja inn at lesa sjúkrarøktarfrøði, skulu hava fyrstuhjálparprógv. Er prógvið eldri enn 2 ár tá umsóknarfreistin er, skal skeiðið takast umaftur. Deildin fyri Heilsu- og Sjúkrarøktarfrøði bjóðar út fyrstuhjálparskeið áðrenn ella stutt eftir lestrarbyrjan. Fyrstuhjálparprógvið skal handast skrivstovuni á deildini saman við umsóknini ella eftir at fystuhjálparskeiðið er lokið.
Lesandi rinda sjálvi kostnaðin fyri fyrstuhjálparskeiðið.
Framtíðarmøguleikar
Við útbúgvingini sum sjúkrarøktarfrøðingur fært tú førleika til at røkta sjúk fólk í øllum aldri og lívsstøðum. Tú fært eisini førleika at fyribyrgja sjúku og fremja heilsu.
Útbúgvingin gevur eisini aðrar førleikar, eitt nú til víðari lestur, ið m.a. gevur førleikar til hægri undirvísingar- ella granskingarstørv.
Við útbúgving frá Sjúkrarøktarfrøðideildini ert tú væl ílatin til arbeiðsmarknaðin.
Framhaldandi útbúgving
B.Sc.-lesturin til sjúkrarøktarfrøðing gevur atgongd til master- og kandidatútbúgvingar innan bæði sjúkrarøktarfrøði og onnur øki.
Tó eru tað altíð tey viðkomandi universitetini, sum søkt verður inn á, sum seta støðið fyri upptøkukrøvini.
Nærri kunning
Nærri kunning fæst við at venda tær til Johild Dulavík, lestrarvegleiðara: johildd@setur.fo
ella Sonju Nielsen, útbúgvingarleiðara: SonjaN@setur.fo
