Subsidiary Subject Studies in Social Science

M.S.Sc. in Social Science and Political Science

Lestrartíð 1½ ár
Deild Søgu- og samfelagsdeildin (SSD)
Tal á Lesandi Uml. 10
ECTS 90
Lestrargjald (Fulltíðarlestur) Ókeypis fyri borgarar í danska ríkinum o.ø. Norðurlondum
Lestrargjald (Stakgreinir) 200 DKK/ECTS

Endamál

Endamálið við útbúgvingini er at geva lesandi førleikar innan samfelagsfrøðiliga fakøkið. Útbúgvingin gevur tí lesandi eina holla vitan um søguvísindaliga fakøkið og serkunnleikar um føroyska søgu í altjóða høpi. Útbúgvingin gevur tí lesandi førleika at undirvísa í søgu á miðnámsskúlum afturat høvuðsgrein síni.

Bygnaður

1. lestrarhálva

(heyst)

2. lestrarhálva

(vár)

3. lestrarhálva

(heyst)

4. lestrarhálva

(vár)

Háttalag I

10 ECTS

Háttalag II

10ECTS

Sosiologi

10 ECTS

Valfak I, II ella III**) (á masterstigi)

10 ECTS

Grundskeið í stjórnmálafrøði

10 ECTS

Vísindaástøði*)

10 ECTS

Altjóða politikkur

10 ECTS

Búskapur og samfelag

10 ECTS

Valfak I, II ella III**) (á masterstigi)

10 ECTS

Samfelagsvísindi og stjórnmál í smátjóðum og oyggjasamfeløgum (á masterstigi)

10 ECTS

*) Vísindaástøði verður tikið, um høvuðsgreinin ikki er hug- ella samfelagsvísindalig. Hjánámið verður tá 100 ECTS. Um høvuðsgreinin er hug- ella samfelagsvísindalig, verður valfakið á masterstigi í 4. lestrarhálvu tikið ístaðin.

**) Valfak I, II og III kunnu takast á einum útlendskum universiteti. Tey valfríu fakini, sum Fróðskaparsetrið bjóðar út, eru í løtuni hesi:
- 6111 Umhvørvissøga
- 6336 Demokrati, valskipanir og veljaraatferð
- 6137 Logikkur og kritisk hugsan
- 6328 Smátjóðir og altjóða politikkur

Um innihaldið av teimum einstøku skeiðunum, slá upp á: www.skeid.setur.fo

Skipan av útbúgvingini

Ískoytisútbúgvingin í hjánámi í samfelagsfrøði tekur upp til 2 ár, treytað av, um høvuðsgreinin ikki er samfelagslig ella hugvísindalig. Hvørt lestrarár er býtt upp í tvær lestrarhálvur á 30 ECTS. 30 ECTS skulu takast á masterstigi, annaðhvørt undir vistarhaldi á øðrum universiteti ella á Fróðskaparsetrinum.

Innihald

Faklilga innihaldið í útbúgvingini er nágreiniliga lýst í skeiðslýsingum og í pensumlistunum, sum eru tøk á heimasíðuni.

Upptøkutreytir

Treytirnar fyri upptøku er at tann lesandi hevur staðið masterútbúgving ella samsvarandi prógv.

Framtíðarmøguleikar

Lokin hjánámsútbúgving gevur saman við eini masterútbúgving førleika at undirvísa í samfelagsfrøði á miðnámi. Prógvið gevur eisini starvsmøguleikar á almennum stovnum og privatum virkjum.

Framhaldandi útbúgving

Hjánámsútbúgvingin er ískoytisútbúgving til masterútbúgving.

Nærri kunning

Nærri kunning fæst við at venda sær til Kirstin Sigurðsdóttir Rasmussen, lestrarvegleiðara á Søgu- og samfelagsdeildini (kirstinr@setur.fo) ella við at venda sær til Runu Preeti Ísfeld, útbúgvingarleiðara, runap@setur.fo.