![](https://setur.cdn.fo/savn/9114/bárður-larsen.jpg?width=624&height=350&rmode=crop&s=D5mBkiKMDxW4aUjBsa5SyVT8loY)
Føroyska heimastýrið merkt av tulkingarstríði
Bárður Larsen, lektari í løgfrøði á Søgu- og samfelagsdeildini, hevur útgivið grein í temaútgávu um heimastýri í Europa í leiðandi fronskum fyrisitingarrættarligum tíðarriti
Greinin vísir á, at føroyska heimastýrið er dømi um stjórnarrættarliga skipan, ið er merkt stríði millum ymisk tulkingarnarrativ.
Øðrumegin er skipanin merkt av høgum stigi av faktiskum sjálvræði, men hinumegin hevur almenna danska tulkingin kortini verið merkt av grunslum -ið ikki fylgja av grundlógini sjálvari, men eru tulkaðir upp á hana – um, at føroyska heimastýrið er grundað á einvegis danska lóggávu og undirskipað fult danskt lóggávuræði.
Føroyskir løgfrøðingar, sum hava arbeitt við hesum spurninginum, og ávísir danskir løgfrøðingar, hava øvugt tulkað skipanina so, at heimastýrið stendur á egnari grund.
Greinin er útgivin í Revue française de droit administrative, vol. 39, nr. 3, 2023, s. 15-24, undir heitinum ”L’autonomie des îles Féroé au sein du Royaume danois”, sum merkir "Føroyska heimastýrið innan fyri danska kongaríkið".
Greinin er umsett úr enskum av fronsku ritstjórnini.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...