![](https://setur.cdn.fo/savn/9539/bátur-freepics.png?width=624&height=350&rmode=crop&bgcolor=fff&format=jpg&s=POFj-em9i3NLzHUeJbvFCL-BHwM)
Fyrilestur: Samskiftið hjá smíðlærarum í undirvísingini
Mikukvøldið 13. september frá klokkan 19:00 til 20:30 verður spennandi fyrilestur í evningarhølunum á Frælsinum 20 í Havn við Joakim Andersson, ph.d. í smíðundirvísing á universitetinum í Göteborg
Joakim Andersson arbeiðir á deildini fyri didaktikki í myndlist og “sløjd”, sum í Svøríki fevnir um bæði smíð og handarbeiði.
Sjálvur hevur hann filmað og eygleitt smíðundirvísing í grundskúlanum og á læraraútbúgvingini, og síðani hevur hann greinað observatiónirnar. Hann er komin fram til, at samskiftishættirnir hava avleiðingar fyri læringina hjá næmingum og lesandi, og tað er m.a. hetta, sum hann fer at hava fyrilestur um.
Fyrilesturin kallar hann “Samskiftið hjá smíðlæraranum í undirvísingini”, og hann viðger, hvussu ítøkiligt samskifti gevur betri fortreytir fyri læring.
Fyrilesturin hevur serligan áhuga fyri tey, sum undirvísa í handaverki og list í fólkaskúlunum.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...