Lestrarkafé 5. september fyri lesandi á Setrinum

Øll lesandi á Setrinum verða boðin á lestrarkafé í morgin, 5. september klokkan 13:00, har vit fara at hugna okkum og hoyra um fíggjarligt frælsi

Nú byrja lestrarkaféirnar aftur fyri lesandi á Fróðskaparsetri Føroya.

Vit leggja út í morgin á veghæddini á Søgu- og samfelagsdeildini í Jónas Broncks gøtu 25, og vit hittast klokkan 13:00 og byrja við einum deiligum drekkamunni.

Síðani fer Cecilia N. Sørensen at hava eina lætta framløgu um fíggjarligt frælsi, sum eisini er sera viðkomandi fyri lesandi, ið mangan skulu balansera eitt trongt búskett.

Framløgan byrjar klokkan 14:00.

Lestrarkaféin er eitt frálíkt høvi hjá okkara lesandi at hitta onnur - eisini frá øðrum útbúgvingum og deildum, og so fáa eina stutta framløgu, sum er viðkomandi fyri lestrarlívið.

Lestrarvegleiðaratoymið hevur lagt eina ætlan fyri allar lestrarkaféirnar og fyri verkstaðir fyri lesandi hetta lestrarárið.

Kunnið tykkum um alla skránna her og setið krossar í kalendaran.

GG: Tilmelding er ikki neyðug til lestrarkaféirnar, men til verkstaðirnar.

Møtið glað og fjølment!