Alment tiltak: Tilgjørt vit og útbúgving

Fróðskaparsetur Føroya skipar fyri almennum tiltaki um tilgjørt vit mikudagin 11. oktober klokkan 13:00 – 16:00 í Kongshøll í Sjóvinnuhúsinum á Vestaru Bryggju í Havn

Menningin av tilgjørdum viti gongur við rúkandi ferð, og hetta broytir og fer at broyta undirvísing og teir førleikar, sum børnum, ungum og vaksnum tørvar nú og í komandi tíðum. Tøknin hevur og fer at hava stóra ávirkan á okkum øll, og hvussu vit læra, arbeiða og samskifta, og hetta krevur nýhugsan um, hvussu vit búgva børn, ung og vaksin út til nýggju fortreytirnar.

Í hesum sambandi bjóðar Fróðskaparsetur Føroya til alment tiltak í Kongshøll, har vit seta tilgjørt vit og útbúgving á breddan.

Á skránni eru framløgur um evnið, og síðani verður orðaskifti undir leiðslu av Martini Tvede Zachariasen, rektara á Setrinum, um avbjóðingarnar, sum vit øll so ella so mugu fyrihalda okkum til.

SKRÁ:

13:00: Martin Tvede Zachariasen, rektari, bjóðar vælkomin

13:15: Jeppe Bundsgaard, professari í didaktikki og granskari í tøknifatan, KT í undirvísing, skriving og progressivum undirvísingarhættum:

ChatGPT - skolens mulighed, skolens opgave

Da ChatGPT kom til verden i november 2022 var de færreste klar over, hvad der havde ramt dem. Den første reaktion var: Nu kan elever snyde. Men efterhånden er samtalen blevet mere nuanceret. Jeppe Bundsgaard vil give sit bud på hvad skolens muligheder og opgaver kan være i forhold til ChatGPT specifikt og kunstig intelligens generelt. Han vil fokusere på fire aspekter: Interaktion, vurdering, kritik og konsekvens

13:50: Iben Nyholm Debess, ph.d.-vísindastarvsfólk og samskipari á Máltøknideplinum, og Barbara Scalvini, adjunktur í teldufrøði:

Tilgjørt vit á føroyskum

Føroyskt er eitt lágtilfeingismál, og hetta endurspeglar, hvussu vit kunnu nýta tól úr tilgjørdum viti á okkara móðurmáli. Vit lýsa støðuna og hugleiða um evnið, og vísa við dømum, hvussu vit kunnu gagnnýta tilgjørda vitið til okkara fyrimunar.

14:10: Kaffisteðgur

14:30: Pallborðskjak

Luttakarar: Eyðun Gaard, stjóri á Námi, Erla Olsen, dekanur á Námsvísindadeildini, og Jeppe Bundsgaard, professari.

Orðstýrari: Martin Tvede Zachariasen, rektari.

Hvussu fer tilgjørt vit at broyta undirvísing og próvtøkur – hvørjir eru møguleikarnir, og hvørjir eru vandarnir?

Hvørjar førleikar skulu vit geva børnum og ungum, sum skulu samstarva við tilgjørt vit á broyttum arbeiðsmarknaði og í lívinum annars?

Hvussu fáa vit førleikament allar bólkar, so vit á besta hátt verða før fyri at gagnnýta tilgjørt vit á kritiskan og haldgóðan hátt?

15:30: Kaffi og prát

Tiltakið er - sum nevnt - alment, og øll eru hjartaliga vælkomin.

GG: Regin Berg, sum upprunaliga stóð á skránni, hevur fingið forfall