Søk um upptøku gjøgnum Vangan

Sum nakað nýtt skulu fólk, sum søkja um lestrarpláss á Fróðskaparsetri Føroya, nú senda umsókn gjøgnum Vangan umvegis Undirvísingarstýrið

Ætlar tú tær at søkja um upptøku á hægri útbúgving á Setrinum, skalt tú nú søkja um lestrarpláss gjøgnum Vangan umvegis Undirvísingarstýrið.

Tað gert tú annaðhvørt við at finna Undirvísingarstýrið á Vanganum og trýsta á “hægri útbúgvingar”. Ella kanst tú søkja beinleiðis av heimasíðuni hjá setrinum – www.setur.fo – við at fara inn á útbúgvingina, sum tú vilt søkja inn á, og har trýsta á knøttin "Søk umvegis Vangan".

Tey, sum av onkrum ávum ikki hava møguleika at søkja gjøgnum Vangan, kunnu framvegis søkja upp á gamla mátan við at fylla umsóknarblað út. Leinki til umsóknarblað er niðast á somu síðu, har tín útbúgving er.

Ert tú í iva um okkurt, ert tú altíð vælkomin at seta teg í samband við okkum á Lestrarskrivstovuni á LSS@setur.fo ella ringja á 352500.

Í vetur er ein útbúgving tøk at søkja. Tað er bachelorútbúgvingin í sjúkrarøktarfrøði.

Lesið meira um útbúgvingina og søkið her.