![](https://setur.cdn.fo/savn/qgudtr22/franski-sendiharrin-christophe-parisot-vitjar-martin-tvede-zachariasen-rektara-27052024-klipt.jpg?width=624&height=350&rmode=crop&s=8YOdsTbJrky95jDUqEkqg8y0RBA)
Franski sendiharrin vitjar Setrið
Christophe Parisot, franskur sendiharri í Danmark, hevur verið á fundi við Martin Tvede Zachariasen, rektara, um samstarvsmøguleikar millum Setrið og universitet í Fraklandi
Franski sendiharrin í Danmark er á arbeiðsvitjan í Føroyum í hesum døgum, og seinnapartin í gjár kom hann saman við fylgi á fund á Setursskrivstovuni fyri at kunna seg um virksemið á Fróðskaparsetrinum og at umrøða møguligt samstarv millum Setrið og universitet í Fraklandi.
Við á fundinum vóru Carl Engelsen, stjóri á Institut Français í Keypmannahavn, Malan Marnersdóttir, professari á Fróðskaparsetri Føroya, Hanna Jensen, franskur konsul í Føroyum, Christophe Parisot, franskur sendiharri í Danmark, Martin Tvede Zachariasen, rektari, og Johan Hansen, fyrisitingarstjóri á Fróðskaparsetri Føroya.
Á fundinum varð m.a. umrøtt, at í longdini eru møguleikar fyri skiftislestri millum Fróðskaparsetur Føroya og fronsk universitet.
- 28.06.2024211 setursprógv, myndir og røðurNú árið er gjørt upp eftir prógvhandarnirnar, hava 211 fi...
- 28.06.2024 Setrið Lestrarskrivstovan- Kom og les á okkara universitetiNú nærkast umsóknarfreistin at søkja um lestrarpláss á Fr...
- 28.06.2024 Setrið NáttúruvísindadeildinLesandi funnið nýggja klukku í SandoynniÍ hesi vikuni hava lívfrøðilesandi á Náttúruvísindadeildi...